Wednesday, November 6, 2013

KONSULTASION TI MANNALON, INGANNUAT TI NTA KEN TI LGU-CABUGAO

Cabugao, Ilocos Sur – Naaramid ti Consultation/Dialog kadagiti lideres/pannakabagi ti asosasion dagiti mannalon iti lima nga ili kas iti Sinait, Cabugao, San Juan, Magsingal ken Sto. Domingo, Ilocos Sur idi Nobiembre 5, 2013 iti Municipal Conference Building,Cabugao, Ilocos Sur.


Daytoy a konsultasion ket ingannuat ti National Tobacco Administration (NTA) iti panangidaulo da NTA Administrator  Edgardo D.  Zaragosa ken ni Deputy Administrator Atty. Everin Molina. Nagsarita ken nagmensaheda met kadaytoy a konsultasion.

Naawis a nagmensahe ni Mayor Edgardo “Ediboy” S. Cobangbang, Jr. ti ili ti Cabugao ket kimmablaaw ken nagyaman ti Ama ti Ili ta naregget dagiti mannalon a makikaysa iti pannakapadur-as ti panagmula ti birhinia a tabako a makatulong unay iti progreso ti tunggal ili babaen iti RA 7171.


Innayon ni Mayor Ediboy a makikaysa iti pakaseknan ken kalikagum dagiti mannalon ket tumulong ti Gobierno Munisipal iti Ahensia ti NTA kadagiti pagimbagan a maidarirag/maipaay kadagiti agmulmula ti tabako tapno ad-adda pay nga agprogresoda a sektor.


Kalpasan ti panangipaay dagiti Opisiales ti paniriganda iti pannakaidur-as ti industria ti tabako, naaramid ti Open Forum ket naballigi a nasungbatan dagiti nagduduma a pakaseknan/kalikagum dagiti mannalon kalpasanna.

Nabunga daytoy a panagtataripnong/panagtitimpuyog  dagiti mannalon babaen iti panag-Host ti ili ti Cabugao, Ilocos Sur. # (Web In-Action) 

No comments:

Post a Comment