Cabugao, Ilocos Sur – Naangay ti Regular Monthly Meeting ti Association of Barangay Captains/Councils ti ili a Cabugao, Ilocos Sur a nagatendaran dagiti agdama a Kapitanes ti 33 a barangay ti Munisipalidad iti Municipal Conference Building idi Nobiembre 13, 2013.
Nag-Preside ni ABC Vice President, Brgy. Captain Edgardo S. Cobangbang, Sr. ti Barangay Sabang. Dagiti sumaganad ti natratar ken napagnanamingan:
1.Panamagsagana iti mass oath-taking a maangay inton Disiembre 1, 2013 iti disso ti kabarbaro a Jose Rizal Monument iti lote ti Munisipio. Napagkaykaysaan dagiti preparasion ti LGU ken ti ABC iti maaramid a programa ken dadduma pay a kanaigna a maaramid.
2.Pannakabukel ti Resolusion iti ABC a pannakipagladingit iti ipupusay ni Pasado Konsehal ti ili, Dios-ti -Aluadna a Genara C. Baclig ti Barangay Pug-os. Maprogramaan isuna iti sango ti Munisipio inton Nobiembre 16, 2013 a pagatendaran ti sibubukel a Liga ti Kapitanes.
3.Naipagteng dagiti dadduma pay a pakaseknan dagiti Opisina ti LGU-Cabugao kadagiti Kapitanes nga iringpasda iti kabiitan a panawen.
Kangrunaan a nakitinnulong a nangtaming iti pannakailawlawag dagiti natratar a bambanag ket isuda Municipal Tourism Officer Dario Roy A. Siruno; SB Secretary Maxfel S. Suboc ken ti pannakabagi ti Opisina ni Mayor Edgardo S. Cobangbang, Jr. # (Web In-Action)
No comments:
Post a Comment