Cabugao, Ilocos Sur – Kas sumaganad nga addang ti Forest Land Use Plan (FLUP) Team ken iti Technical Working Group (TWG) ti LGU-Cabugao, naaramid ti assessment dagiti barangays nga addaan ti kabakiran ti Munisipalidad ti Cabugao tapno matratar dagiti mapataud nga isyu ken oportunidad ken matingiting ti kalawa ti land cover-da a kasapulan a datos a makalap para iti mabukbukel a plano.
Dagiti Barangay a masakupan daytoy a gannuat ket iti Maradodon, Catucdaan, Aragan, Carusipan, Cacadiran ken Nagsincaoan.
Daytoy nga addang ket adda iti babaen ti Information Education and Communication (IEC) ti FLUP-Cabugao.
Kabayatanna, nagmiting dagiti FLUP Team ken dagiti pannakabagi dagiti nadakamat a barangay idi Nobiembre 6, 2013 iti Municipal Conference Building ket naangay ti Workshop on Integration, Interpretation and Data Analysis for FLUP Preparation.
Nagatendar met ni MENRO Edgar S. Balangatan, AT a nangibagi ti LGU-Cabugao iti nadakamat a miting. # (Web In-Action)
No comments:
Post a Comment