Cabugao, Ilocos Sur – Impakaammo ti Luzon Green Art Technology, Inc., ti pribado a kompania a nangyimplimentar ti Privatization of Solid Waste Management para iti Munisipalidad ti Cabugao.
Maibatay iti Status Report nga insubmiter ni Ms. Revelina Bayona, Vice President for Operations ti LGA
Tech,, Inc. iti Opisina ni Mayor Edgardo S. Cobangbang, Jr., adda iti maikadua a bulandan a manggamgamulo iti pannakaukkon ti basura ti ili ket naballigi dagiti inwayatda nga addang a mangpasayaat ti collection ti basura.
Sakbayna, igannuatda ti information-education ken communication iti innem a barangays ken ditoy a pinasingkedanda ti pagannurotanda: “No Segregation, No Collection” Program.
Malaksid iti pannakasanay dagiti mangipatungpal iti trabaho iti panagkolekta ti basura iti inaldaw, naiyusuat ti staff development tapno maingato ti working efficiency dagiti mangiggem iti opisinada, improvement of disposal facility ken on-site organic gardening a nayon nga obra dagiti obrerosda.
Manamnama nga iti napintas a panagannayas ti trabahoda ket kaipapananna ti naballigi a pannakaidalimanek ti basura a maurnong iti Ecology Center, impeksa ni MENRO Edgar S. Balangatan, AT. # (Web In-Action)
No comments:
Post a Comment