Cabugao, Ilocos Sur – Naaramid ti Evaluation ti maipapan iti pannakaipatungpal ti Organic Agriculture, maysa a National Law iti LGU-Cabugao, Ilocos Sur idi Oktubre 31, 2013 sadiay Brgy. Marga-ay, Cabugao, Ilocos Sur.
Sakbayna, immatonan ni Mr. Nathaniel B. Galamgam, AT iti pannakaimula ti Off-Season Hybrid Tomato Production iti nasao a disso ti Research and Techno-Demo babaen ti panangusarna ti Vermicast iti nadumaduma a benneg wenno treatment kas kangrunaan a pakabuklan ti inwayatna a panagsukisok (Research) iti tay-ak ti Organiko a panagtalon. Daytoy a Research ket sinuportaran ti LGU-Cabugao iti pannakikammayetna iti DA-RFU 1 tapno matulongan dagiti mannalon a mangadaptar iti teknolohia ti organic farming a mangikabassit ti magastos iti panagtalon ken mangikaadu ti matgedanda iti apitenda iti imulada.
Buklen ti grupo dagiti Evaluators da Ms. Mary Ruth Menor, Research, DA-RFU 1, Ms. Elsa Rafanan, OPAG-Ilocos Sur ken ni Mr. Ronald Lamano, pannakabagi ti Opisina ni DA Undersecretary For Special Concerns, Hon. Bernadette Puyat iti DA-Central Office.
Kalpasan ti panag-courtesy dagiti pannakabagi ti DA-RFU 1 ken ni Mayor Edgardo “Ediboy” S. Cobangbang, Jr. iti dayta a petsa, nagturong dagiti Evaluators iti Brgy. Marga-ay a disso ti Demo-Farm a kaduada ni Mr. Nathaniel B. Galamgam, Researcher tapno amirisenda daytoy a naipatakder a proyekto ti DA-LGU.
Manamnama nga agballigi dagitoy a gannuat iti pannakaiyallatiwda kadagiti mannalon a mayoridad nga umili ti Cabugao, Ilocos Sur babaen iti naiget a panagsukisok iti benneg ti Agrikultura. # (Web In-Action)
No comments:
Post a Comment