Cabugao, Ilocos Sur – Kalpasan nga ideklara ni Mr. Anselmo Aludino, CSEE, OIC Assistant Division Superintendent ti DepED-Ilocos Sur iti pannakalukat ti paay-ayam ti 2014 Ilocos Sur Division Sports Competition ket narugian dagiti nakaeskediul a panagsalip dagiti Atleta iti lima a Unit (Unit 1 to Unit V) a mangbukel iti 32 a Munisipalidad ti Ilocos Sur idi Disiembre 2, 2014.
Dagiti sumaganad nga events ket iti Basketball, Track and Field, Baseball, Lawn Tennis, Badminton, Soccer, Volleyball, Sepak Takraw, Athletics, Arnis ket dagitoy ti naipamaysa a napagsasalipan babaen iti pannakausar dagiti pasilidad ti Sports iti Cabugao District Athletic Oval (Freedom Park), Social Hall ti Cabugao South Central School, Covered Court ti Barangay Bonifacio, Cabugao Central Park (CCP) ken iti Cabugao Cultural and Sports Complex ti Barangay Rizal.
Kabayatanna, aktibo met a nakigamulo iti pay-ayam dagiti Opisiales/Kameng a mangbukel iti Cabugao Steering Committee a sinaguday ti Office Order No. 43, Series of 2014 babaen iti Direktiba ni Mayor Edgardo S. Cobangbang, Jr. iti pannakinaming dagiti nadakamat nga Empleado ti LGU kabayatan iti lima nga aldaw a pannakaangay ti Provincial Meet ditoy Cabugao.
Naregget met dagiti pannakabagi ti Clerk of Course/Recorder ken First Aide a buklen dagiti Nurses (RN-Heals), dagiti Ambulansia ti Munisipio a nakadeploy iti game area (Freedom Park).
Naregta pay dagiti Announcer/Presentor iti School Stage a mangipakpakaammo iti pagdurdur-asan ti paay-ayam, panangiyanunsio ti panagsagana dagiti sumaruno nga agsalip a Unit ken dagiti nangatiw a Unit Team kalpasanna, panawagan iti pakaseknan ti ay-ayam, dagiti Atleta ken agraman pay dagiti agbuybuya.
Buklen dagiti Officiating Officials ti Tournament Managers ken kakaduada iti benneg ti Elementaria ken High School iti tunggal event. # (Web In-Action)
No comments:
Post a Comment