Cabugao, Ilocos Sur – Naangay ti Christmas Party and Reunion 2014 ti Cabugao Public School Teachers, Employees and Retirees Association (CABPUSTERA) sadiay Barangay Covered Court, Barangay Bonifacio, Cabugao, Ilocos Sur iti Disiembre 19, 2014.
Nasapa a naangay ti Holy Mass sa simmaruno ti business meeting a nagatendaran dagiti Board of Directors ti CABPUSTERA ken naituloy ti programa kalpasan ti Fraternal Luncheon.
Iti Programa, indauluan ni Mrs. Julia A. Cayso, ESP 1 Teacher, Cuantacla ES ti Opening Prayer. Kalpasan a nakanta ti Pambansang Awit ken Cabugao Hymn nga indauluan ni Mrs. Odette V. Somera, T2, CSCS , impaay ni Mrs. Estrellita M. Siruno, Principal II, CNCS ti pammasangbay a saritana. Kimmablaaw ken nagyaman ta nagtengan manen iti panagrambak dagiti DepEd Teachers ken Retirees iti Paskua 2014.
Nagmensahe met ni SBM Dr. Jemaima S. Tan-Yee, Committee Chair on Education. Kimmablaaw ken nagyaman ta agtultuloy a napintas ti panaglangen ti Munisipio ken iti DepED iti pakaseknan iti pannakapasayaat dagiti pasilidad ken serbisio kadagiti agad-adal.
Simmaruno ti Reconition of the 2014 Retirees. Imbinsa ni Mrs. Melvie S. Sajonia ti highlights ti kabibiag ni Mrs. Helen V. Siruno; ni met Mrs. Estrellita M. Siruno ti nangted iti pakasaritaan ti biag ni Mr. Jose V. Singson, Jr. kasta metten a binagi ni Mr. Genaro Solmerin ti kabibiag ni Mrs. Manzueta G. Argel.
Naaramid ti Awarding of Plaque & Token kadagiti nadakamat a Retirees ket inawat dagiti pannakabagida dagiti award iti saan a nakadar-ay iti programa a kas kada Mrs. Siruno ken ni Mrs. Argel.
Naisaruno ti Intermission Number a sala dagiti Retirees. Naaramid ti Cheerdance ti Zone V Teachers.
Nangted met ti mensahena ni Vice Mayor DJ Savellano kadagiti mangisursuro ken Retirees.
Bimmunot ti Bise Mayor ti lima a Raffle Winners ket naited kadagiti nagasat a nabunot ti premioda.
Nangipaay ti Mensahe ni Mayor Edgardo “Ediboy” S. Cobangbang, Jr. Dinakamatna ti agtultuloy a panagkammayet ti LGU ken ti DepEd iti pannakaidur-as ti serbisio nga itden ti Munisipio iti benneg ti Edukasion.
Kinomendaran ti Ama ti ili iti maipakpakita a napintas nga ipabpabuya dagiti mangisursuro.
Dinakamat pay ti Ama ti Ili dagiti nalalatak a patanor ti Cabugao gapu iti adal a nangitan-ok ti ili iti amin a benneg. Kinuna ni Mayor Ediboy nga ita ti batangda met a makikaysa iti DepEd a mangilungalong iti pagsayaatan pay dagiti agad-adal nga ubbing a pamuonan iti agtultuloy a panaglatak ti Cabugao iti panagbalindanto a lider iti masanguanan nga aldaw.
Bimmunot met ni Mayor Ediboy ti 10 a Raffle Winners ket inawat dagiti nagasat a nabunot dagiti naited a premioda.
Simmaruno a nag-cheerdance ti Zone IV Teachers ket maballaetan ti Raffle Draw sakbay nga ag-perform ti sabali a Zona. Buklen ti lima a Zona ti nag-cheerdance.
Nag-closing remarks ni Mr. Rodel P. Suniega, SP II, CABPUSTERA Vice Resident. Kimmablaaw ken nagyaman iti amin a nakipaset iti panagballigi ti nasao a programa ken reunion.
Naisaganad ti Parlor Games ket nangited ni SBM Dr. Jemaima S. Tan-Yee ti pinagpremio ti Management.
Nakikaysa met da SBM Danny Q. Gazmen, SBM Benedicto M. Savellano ken ni SBM Josefina S. Valejo iti nasao a programa ken reunion.
Nagpaay nga Emcee da Ms. Maryjane S. Sagun ken ni Mr. Dharen Jake R. Garcia. # (Web In-Action)
No comments:
Post a Comment