Cabugao, Ilocos Sur - Naaramid ti panagselebrar ti Barangay Fiesta ti Barangay Quezon, Cabugao, Ilocos Sur idi Disiembre 26-28, 2014 iti Barangay Auditorium-da iti nasao a barangay.
Naaramid ti Thanksgiving Mass iti Disiembre 26, 2014 (4:00 P.M.) a nagatendaran dagiti bumarangay nga idauluan ni Brgy. Captain Nida S. Braceros agraman dagiti kameng ti Konsehona ket naangay ti Misa iti Barangay Plaza.
Naisaganad ti Exhibition Game iti Disiembre 27, 2014 babaen kadagiti Ex-Barangay Officials, Tanod and Janitorials ken naangay ti Championship Game ti 8:00 P.M. iti dayta a rabii.
Iti 8:30 A.M. ti Disiembre 28, 2014, naangay ti Parade around the Poblasion ken naangay met ti Coronation Night ti Miss Quezon 2014 iti 8:30 P.M. iti dayta a Petsa.
Nagatendar iti Brgy. Quezon Fiesta dagiti Municipal Officials nga idauluan da Mayor Edgardo “Ediboy” S. Cobangbang, Jr. ken ni Vice Mayor DJ Savellano. Inannongda pay iti pannakakorona ti Reyna ti Piesta ti Barangay Quezon.
Nasangaili met iti Barangay da Bokal Christian “Basi” Purisima ken ni Bokal Constante “Tante” Oandasan a nakidanggay iti nasao a panagrambak ti Piesta iti karabiyan ti Disiembre 28, 2014.
Kalpasan ti Investiture kadagiti Kandidata, naaramid ti Awarding Ceremonies kadagiti nangabak ken nakagun-od ti premio iti dayta met la a petsa.
Indauluan da Governor Ryan Luis V. Singson, Vice Gov. DV Savellano, Mayor Edgardo “Ediboy” S. Cobangbang, Jr. ken ni Vice Mayor DJ Savellano dagiti Opisiales ken Pribado a Sektor a timmulong iti panagballigi iti nadakamat a Barangay Fiesta. # (Web In-Action)
No comments:
Post a Comment