Friday, December 19, 2014

DEADLINE TI PANAGAPLIKAR TI LET – MARSO 29, 2015

AGAW-AWATEN ti Professional Regulation Commission-Baguio Regional Office kadagiti aplikante para iti Licensure Examination for Teachers (LET) a maisayangkat inton Marso 29, 2015, daytoy  ti impakaammo ni PRC Regional Director Teofilo Gaius M. Sison, Jr., itay nabiit.

Segun iti PRC, para iti pannakaipila dagiti aplikasion, inton Enero 23, 2015 ti deadline para kadagiti repeaters idinto nga Enero 30, 2015 para kadagiti baro wenno damoda iti ageksamen.

Kadagiti damoda nga aplikante, mangidatag iti orihinal ken photocopy ti transcript of records nga addaan ti  scanned picture ken remarks a “For Board Examination Purposes”; orihinal ken photocopy ti birth certificate nga inyisio ti NSO iti security paper. No saan a nalawag ti kopia manipud iti NSO, mangisubmiter iti kopia ti birth certificate; orihinal ken photocopy ti marriage certificate nga inyisio ti NSO iti security paper. No saan a nalawag ti kopia manipud iti NSO (no naasawaan a babai ti aplikante), mangisubmiter iti kopia manipud iti local civil registrar; 3 a passport-size colored pictures nga addaan puraw a background ken kumpleto a name tag; sedula iti agdama a tawen; maysa a documentary stamp nga agbalor iti P15.00; ken maysa a window envelope nga addaan iti postage stamp a P12.00; ken examination fee a P900.00.

Kadagiti repeaters, kasapulan ti uray ania kadagiti sumaganad:

Para kadagiti repeaters, requirements are: Report of Ratings, Notice of Admission, wenno Official Receipt iti napalabas nga examination; ken requirement numbers 4, 5, 6, 7, ken 8.

Indagadag ni Gaius ti panagaplikar dagiti aplikante a nasapa tapno mailisi iti panagdudupudop iti regional office.

Agaplikar dagiti aplikante iti online sakbay a mapanda iti Baguio Regional Office babaen ti ibibisitada iti www.prc.gov.ph sada i-click iti Online Application System (OAS) link.

Kinuna pay ti opisial a personal nga agaplikar ti aplikante. Awan ti pawayway ti deadline. # (Adapted, Tawidnews)

No comments:

Post a Comment