Cabugao, Ilocos Sur – Kalpasan ti pannakaileppas dagiti Nasantuan a Misa ti Rambak Adviento (Christmas Advent), nadanonan manen ti panangannurot ti Misa Aguinaldo (Disiembre 15-23) iti kada 6:00 PM ti rabii ket nalatak a maaw-awagan daytoy iti “Simbang Gabi”. Dagiti agsasaruno a Misa iti siam a rabii sakbay ti kaaldawan ti Paskua ket esponsoran dagiti nadumaduma nga organisasion (sibil ken espiritual) kasta metten kadagiti natudingan a barangay iti ili a makikammayet kadagitoy a pannakaangay ti Nasantuan a Misa.
Kabayatanna, nakasagana dagiti pampubliko a pasilidad iti panagselebrar ti Paskua 2014 ken panangsagrap dagiti umili iti kaipapanan ti napaut a Holiday Season kas iti Parke (Freedom Park, Rizal Park ken Cabugao Central Park), Plaza, NISTC Public Market, pasilidad ti Sports ken Recreation iti CCP ken iti Sports Complex.
Nakaalerto met latta ti Clean and Green Team ti Munisipio nga idauluan da MENRO Edgar S. Balangatan ken ni Mr. Richard Pula a mangmantener ti kinadalus ti aglawlaw, processional roads ken iti National Highway (Sagayaden to Pug-os).
Mainayon ditoy ti agtultuloy a pannakaiwayat ti nasaknap a panagdalus kadagiti Beach ken Resorts ti Munisipalidad para kadagiti agpasiar ken agselebrar iti igid ti kabaybayan babaen ti panangilungalong ti Clean and Green Team ken regular a Clean-up Drive dagiti Opisiales ken bumarangay iti pito a coastal barangays kas iti Barangay Dardarat, Salomague, Sabang, Namruangan, Daclapan, Salapasap ken Pug-os a buklen dagiti Barangay Council, 4 P’s Members, RIC Members, 4-H Club ken BPAT’s/Barangay Tanod.
No comments:
Post a Comment