Friday, December 12, 2014

MDRRMC-CABUGAO, KALAMIDAD KEN AKTIBIDAD TI SAKLAWENNA


Cabugao, Ilocos Sur – Segun ken ni Engr. Nestor B. Somera, MDRRMC Officer ti LGU-Cabugao a patinayon a makikoordinarda agraman dagiti  miembros ti MDRRMC-LGU Cabugao  kadagiti maang-angay a dadakkel nga aktibidad/pagteng  a kas iti sumaganad: 

1. Nakipagtamingda iti naannayas a pannakaaywan ti pakaseknan ti Medical ken First Aid/dadduma a trabaho a pakaseknan ti pasalip kas iti pannakaiplastar ti hurdle, panang-marshal kadagiti Running ken Athletics event  kasta met  iti pannakaarayat dagiti ag-collapse,  madungiran a Players  ken mangatibay a mangipan iti agur-uray nga ambulansia no adda mapagteng kabayatan nga agay-ayam   dagiti Atleta iti naangay nga 2014 Ilocos Sur Division Athletic Sports Competition idi Disiembre 1-5, 2014 idiay Cabugao District Athletic Oval, Cabugao South Central School, Brgy. Bonifacio, Cabugao, Ilocos Sur.

2. Nagalertoda idi  sumungsungad ti Bagyo Ruby ket nagreportda (Day & Night) iti Opisina ti MDRRMC-Operation Center, Municipal Building, Cabugao, Ilocos Sur manipud idi Disiembre 5-9, 2015 agingga a  pimmanaw ti bagyo iti teritorio ti pagilian ti Pilipinas.

Innayon ni Engr. Somera nga agaktuarda a dagus iti MDRRMC  nangruna iti WASAR Team no mapakaammuanda sakbayna.

Dagitoy nga aksion ken inisiatiba ket resulta iti naannayas a pannakaipatungpal dagiti maitutop  nga aksion ti MDRRMC-WASAR no sumungad, kabayatan ken malpas ti kalamidad ken dadakkel nga aktibidad. 

Ti MDRRMC-Cabugao ken WASAR Team ket agtigtignay babaen iti  panangtarabay ni Mayor Edgardo “Ediboy” S. Cobangbang, Jr.  a kas Chairperson. # (Web In-Action)

No comments:

Post a Comment