Tuesday, December 16, 2014

SIMBANG-GABI, NARUGIAN ITI DISIEMBRE 15

Cabugao, Ilocos Sur – Mangrugi ti Misa Aguinaldo  iti Disiembre 15 agingga iti Disiembre 23, 2014.

Iti Parokia ni San Markos Ebanghelista ti ili a Cabugao, Ilocos Sur, naregta dagiti Padi ti Parokia: Rev. Fr. Felix Costales ken Rev. Fr. Rigunay a mangan-annong kadagiti Nasantuan a Misa a mainaig iti panangpasungad ken panangselebrar iti panawen ti Paskua 2014 ditoy ili ti Cabugao.

Nangrugi iti 6:00 PM ti Disiembre 15, 2014, naangay ti nalatak a “Simbang Gabi” ket naituding ti eskediul a panagsindi ti kandila/agkararag  dagiti deboto kadagiti nadumaduma a  sektor ti kagimongan manipud kadagiti 33 a barangay ti ili ket maangay iti Simbaan Katoliko iti Poblasion ti nasao a Misa.

Kasaruno  daytoy, maangay met ti Misa-Parbangon  mangrugi ti Disiembre 16-24, 2014 ket nayeskediul nga aramiden ti  9 a Clusters dagiti deboto ti agsindi ti 
kandela/agkararag  manipud iti 33 a barangay a pagnaedan dagiti deboto. Maaramid ti nasao a Misa iti Simbaan Katoliko ditoy Poblasion ti Cabugao.

Iti sabali a bangir, umarngi met laeng ti aramiden dagiti Deboto ti Iglesia Filipina Independiente (IFI Church) iti Barangay Quezon, Cabugao a kas pangipalnaad iti pannakikaysada iti nasaknap a selebrasion iti pannakayanak ti Naindaklan a Mesias.

Maaramidto pay dagiti Misa iti Rambak Kaaldawan Paskua iti Disiembre 24 ken 25 idinto ta Rambak Baro a Tawen inton Disiembre 31 ken Enero 1, 2014. # (Web Situational Report)

No comments:

Post a Comment