Thursday, December 11, 2014

2014 DISTRICT MATH FESTIVAL, NAANGAY ITI CABUGAO SCS

Cabugao, Ilocos Sur – Naangay  ti 2014 District Mathematics  Festival para kadagiti  napilpili nga ubbing iti 26 a pageskuelaan ti Cabugao DepED District idi Disiembre 11, 2014 iti Cabugao South Central School, Brgy. Bonifacio, Cabugao, Ilocos Sur a nangkuyogan dagiti nagannak/Guardians kadagiti napili nga ubbing  a nangipakita ti kabaelanda babaen ti panagsasalipda kadaytoy nga asignatura.

Umuna a naangay ti ababa a programa iti Social Hall  sakbay a naaramid ti Contest Proper a pakabuklan ti Math Quiz, Damath, Rubik’s Cube Challenge  ken ti Math Relay. 

Nangipaay iti Welcome Message ni Mrs. Melvi S. Sajonia, Principal II, CSCS.  

Nadutokan dagiti Math Quiz Examiners manipud Grade 1 agingga iti Grade VI ken napusgan dagiti Damath Arbiters,  Math Relay Facilitators ken Rubik’s Cube Challenge a buklen dagiti School Heads ken mangisursuro iti nadumaduma a pagadalan. Imbinsa ni Ms. Nora R. Quibilan, District Mathematics Coordinator ti Orientation iti pakontes.

Sakbayna, nasanay dagiti kangrunaan a napili nga ubbing iti tunggal pageskuelaan a naisangal iti MTAP, Math Quiz ken Math Challenge a nakasagatan dagiti dakkel ti kabaelanna/potensialna  nga agpangato nga ubbing  agingga iti Rehional a benneg.

Daytoy a programa ket paset ti panangpadigem ti kabaelan dagiti ubbing babaen iti panangirusat ti Departamento ti Edukasion (DepED) tapno maisaganada para iti masanguanan a pannakatennebda pay  iti daytoy a paglaingan dagiti agbasbasa.

Buklen met ditoy a benneg ti Matematika ti  DepED ti Cabugao District Matari Officers nga idauluan ni Mr. Donato Sambrana.  # (Web In-Action)

No comments:

Post a Comment