Cabugao, Ilocos Sur – Agdama ita a maipatpatungpal ti Cattle Fattening Project nga ipunduan ti Grassroots Participatory Budgeting Process (GPBP) Projects dagiti Asosasion ti 4-H Club ti ili a Cabugao babaen iti agtultuloy a panangtulong ti LGU-Cabugao nga idauluan ni Mayor Edgardo “Ediboy” S. Cobangbang, Jr. Para iti livelihood program dagiti Out-of-School Youth tapno mabirokanda iti kaimudinganda a napintas a masakbayan.
Naaramid ti Briefing dagiti 4-H Club Leaders idi Disiembre 13, 2014 iti Municipal Slaughterhouse, Brgy. Baclig, Cabugao, Ilocos Sur a no sadino a ditoy ket nag-lecture da Dr. Melvin G. Castro, DVM, Municipal Livestock Inspector ken ni Mr. Obas Bill Y. Baclig, Municipal 4-H Club Coordinator maipapan iti proyekto ti Cattle Fattening a manamnama nga agmaterial iti mabiit.
Maar-aramid ita ti pannakapatibker dagiti Asosasion ti 4-H Club iti intero a Munisipalidad ti Cabugao, Ilocos Sur babaen iti panangibagnos ni Mr. Obas Bill Y. Baclig, AT, Municipal 4-H Club Coordinator.
Segun ken ni Mr. Baclig, nangrugi idi bulan ti Pebrero 2014 a minitingda dagiti Opisiales ti Asosasion ti 4-H Club ket trinatarda dagiti agduduma a pakaseknanda kasta met a rine-organisarda dagiti saanen nga aktibo nga asosasion.
Innayon ni Mr. Baclig nga iti agdama, adda 15 nga aktibo nga asosasion ti agtutubo a masarakan iti Brgy. Bato, Reppa-ac, Pug-os, Bungro, Cael-layan, Baclig, Turod, Namruangan,
Dardarat, Salomague, Bonifacio, Cuancabal, Arnap, Nagsincaoan ken Cacadiran malaksid kadagiti nainayon a naorganisardan iti dadduma a barangay.
Insupusop ni Mr. Baclig nga adda Tema a pagbasbasaran dagiti aktibidadesda iti napalabas a bulan a kas iti: “Youth Empowerment for Food Sufficiency and Sustainability”.
Dagiti aktibidades a mangibagnos kadagiti 4-H Club ket dagiti sumaganad:
1.Rice Production Technology.
2.Banana Processing and Preservation.
3.Handicraft Contest.
4.On the Spot Canvass Painting Contest.
5.Extemporaneous Speaking Contest.
6.OPM Local Solo Contest.
7.Quiz Bee. # (Web In-Action)
No comments:
Post a Comment