Monday, August 1, 2016

4Ps STUDENT GRANTEE, NAPADAYAWAN

Cabugao, Ilocos Sur – Pinadayawan ti LGU-Cabugao ni Ms. Jenny Rose I. Battad iti nagun-odna a gapuanan iti panagturposna  iti Bachelor of Elementary  Education (BEED) iti University of Northern Philippines iti Tawen 2015-2016.


Ni Jenny Rose ket maysa kadagiti naikkan iti pribilehio nga  ited  ti  Expanded Student’s Grant-in Aid Program for Poverty Alleviation (ESGP-PA) a  programa ti DSWD-Region 1  ken kapartnerna ti LGU Cabugao a mangipatungpal kadagiti Pantawid Household iti Munisipalidad.

Kalpasan iti pannakapadayawna iti Rehional a benneg, napadayawan met ditoy Munisipio babaen iti panangbigbig ni Mayor Josh Edward S. Cobangbang iti kinasiglat ni Jenny Rose a nangatiw kadagiti kinaturposanna itay kalgaw kas “ Cum Laude” iti kurso nga inadalna.


Inyallawat ni Mayor Josh Edward ti gunggona a  naited iti nadakamat a Grantee iti Agosto 1, 2016 iti Opisinana  ken binayabay da MSWD Officer Mrs. Lydia S. Gazmen; Miss Aida Cueto; Ms. Juliet Madriaga; Ms. Idarlina Battad, ina, ken ni Ms. Rosemarie Pespes. 

Agnaed ti Pamilia da Jenny Rose iti Barangay Quezon, Cabugao, Ilocos Sur. # (Web In- Action)

No comments:

Post a Comment