FERTILIZER DISTRIBUTION KADAGITI MANNALON ITI 3 A BARANGAY (DACLAPAN, SABANG, SISIM), NAANGAY

Cabugao, Ilocos Sur – Nagsasaruno a naaramid ti Turnover ti Fertilizer Subsidy kadagiti mannalon iti  3   a barangay iti Barangay Sabang, Barangay Daclapan, ken Barangay Sisim, Cabugao, Ilocos Sur a naggapu  iti LGU-Cabugao idi Agosto 5, 2016 iti Barangay Hall kadagiti nadakamat a barangay. 

BARANGAY DACLAPAN

Daytoy a Distribusion  ti Ganagan ket paset ti programa ti LGU-Cabugao a tumulong iti Sektor-Agrikultura kadagiti 33 a barangay ti Munisipalidad ita a Wet Season 2016 (Hunio-Nobiembre).

Buklen dagiti maited a ganagan iti  maysa a bag a  Triple 14 (Complete Fertilizer) ken maysa a bag a Urea iti tunggal Farmer ID Holder kadagiti agmulmula ti pagay  idinto ta maysa met a bag ti 46-0-0 ken maysa a Urea kadagiti mannalon nga agmulmula ti Tabako a Birhinia iti masakupan ti 33 a barangay ti ili.

BARANGAY SABANG

Iti Mensahe ni Mayor Josh Edward, kimmablaaw ken nagyaman ta maikkan dagiti mannalon nga agtultuloy a  mangidur-as iti rice self-sufficiency program ket makomplementaran ti reggetda a mangidur-as ti Sektor ti Agrikultura a buklen ti kaaduan a pagbiagan dagiti umili babaen iti pannakanayon ti puonanda nga agpatanor iti nakalidad nga apit.

Kadua ni Mayor Josh Edward S. Cobangbang dagiti Opisiales Lokal ti ili nga isuda SBM Danny Q. Gazmen; SBM Vicky S. Serna ken ni SBM Josefina S. Vallejo  a nangimatang iti pannakaiturn-over dagiti nasao a bag ti ganagan kadagiti mannalon kadagiti nadakamat a barangay. 

BARANGAY SISIM

Timmarabay da Brgy. Captain Charlie Somejo; Brgy. Captain Atilano Saquiton ken ni Brgy. Captain  Siruno ken dagiti Opisiales ken kameng dagiti Farmer’s Association kadagiti nadakamat a barangay ket impeksada ti naan-anay a  panagyamanda iti Gobierno Munisipal nga idauluan ni Mayor Josh Edward ken iti agtultuloy a panangasistir kadakuada  dagiti pannakabagi ti DA-LGU Cabugao nga idauluan ni Acting Municipal Agriculturist Robert S. Savella.

Dagitoy a subsidized inputs ket paset ti programa iti pannakaidur-as ti Agrikultura iti LGU-Cabugao   nga idauluan ni Mayor Josh Edward S. Cobangbang babaen iti pannakatulong dagiti sapasap a mannalon iti inda manen panagpatan-ay  ti pagay  iti Wet Season 2016  (Hunio-Nobiembre). # (Web In-Action)