Cabugao, Ilocos Sur – Iti pannaki-amad ti Web In-Action idi Agosto 26, 2016, imbatad ni Mr. Edgar S. Balangatan, AT, MENRO ken Coordinator, Municipal Clean and Green ken ti Environmental Management Program iti agtultuloy a pannakalinis kadagiti pampubliko a pasilidad ti LGU-Cabugao.
Kanaig daytoy, regular a maiwayat iti panagdalus iti pito a Coastal barangay nga idauluan dagiti Opisiales ti Barangayda iti parte a masakupanda babaen iti itutulong dagiti sektor ken asosasion iti barangayda.
Kabayatanna, maar-aramid latta ti regular a panaglinis iti agsumbangir ti Kalsada Nasional/Propbinsial manipud Barangay Sagayaden agingga iti Barangay Pug-os; Brgy. Baclig to Port Salomague ken Brgy. Cuancabal to Brgy. Nagsincaoan babaen iti panagtinnulong dagiti LGU Personnel ti Clean and Green ken kameng ti Maintenance Section ti DPWH-Bantay, Ilocos Sur kasta metten iti Maintenance Crew iti Kyeryong J. D. Policarpio Joint Ventures (JV).
Nupay kasta, insupusop ni MENRO Balangatan a saan latta met nga agsina a pakaseknan ti Munisipio iti maipapan iti Solid Waste Management ken iti Clean and Green iti intero a Munisipalidad ken uray iti uneg ti Tiendaan ti NISTC Public Market.
Kasta met nga agtultuloy a maipromot koma iti panagdaldalus iti kalsada kadagiti barangay babaen iti itutulong dagiti Opisiales ti Barangay a kabinnulig ti Munisipio a mangitandudo kadagitoy nga agdama a programa ti Munisipio, segun pay ken ni MENRO Balangatan.
Dagitoy nga aksion ken inisiatiba ket resulta iti napintas a koordinasion dagiti Opisina ken Ahensia a maseknan ken adda iti salinong ti LGU-Cabugao nga idauluan ni Mayor Josh Edward S. Cobangbang para iti pannakaitandudo dagiti proyekto/aktibidad nga agtultuloy a mangpasayaat iti aglawlaw ti Munisipalidad ti Cabugao. # (Web Situational Report)
No comments:
Post a Comment