Thursday, August 25, 2016

NAREGTA TI PROGRAMA TI OISCA ITI CABUGAO

Cabugao, Ilocos Sur –  Naaramid ti 10th Year Anniversary Celebration of Chugoku Electric Power Workers Union babaen iti Tema: “A decade of selfless service, lasting friendship, and wonderful stories”  kadagiti simmangbay  a grupo ti Overseas of International Service Cultural Academy  or OISCA) ket naragsak ti pannakapasangbayda babaen iti pannakikaysa kadakuada dagiti nagkakammayet a sector ti ili.

Naaramid ti nadakamat a programa idiay Dardarat Covered Court, Barangay Dardarat, Cabugao, IIlocos Sur a nakikammayetan dagiti mannursuro ken agad-adal ti DepED-Cabugao; Opisiales ti Barangay ken ti ili ken dagiti pannakabagi ti LGU-Cabugao idi Agosto 24, 2016.


Iti programa,  nakanta  ti National Anthem iti dua a pagilian: ti Japan National Anthem babaen iti OISCA Kansai Group ken ti Philippine National Anthem.

Kalpasan ti Doxology ket nag-Words of Welcome ni Mrs. Irene R. Garcia,  Teacher In-Charge (TIC)  ti Dardarat Elementary School. Kalpasan ti naaramid nga intermission number ket impresenta ni Mr. Delfin Tesoro, Director OISCA-Abra dagiti Delegado ti Chugoku Electric Power Workers Union. 

Kalpasan ti intermission number ti dadduma a pageskuelaan ket nang-ted ti Mensahe ni Cabugao OISCA- Chapter President Edgardo S. Cobangbang, Jr. Kimmablaaw ken nagyaman iti maipakpakita a talek ken pammati dagiti sektor iti ili a mangsarabo iti maipagteng a napipintas a programa pakaseknan iti pannakataming ti aglawlaw ken rekursos-naturales.

Nagsarita met  ni  Dr. Consesa T. Rumias, Ed. D., Public Schools District Supervisor ti ili a Cabugao. Dinayawna daytoy nga isasangbay ti naindaklan a panggep a pannakitinnulong dagiti kakabsat a Hapones ditoy a lokalidad.

Nagted met ti Mensahe ti Presidente ti Chugoku Electric Power Workers Union ken kasta metten ni SBM Danny Q. Gazmen.


Naited ti Plaque of Appreciation kada Mayor Josh Edward S. Cobangbang;  Dr. Consesa T. Rumias, Ed. D., Public Schools District Supervisor; Pasado Mayor Edgardo S. Cobangbang, Jr., Presidente, OISCA-Cabugao Chapter  ken ni  Brgy. Captain Norlie S. Silvania.

Pangrikep a sarita ti inakem ni Brgy. Captain Norlie S. Silvania. Kimmablaaw ket pinagyamananna ta ditoy Barangay Dardarat ti maysa kadagiti barangay a pappapanan ti OISCA-International  ken nakaaramidanen dagiti proyekto a manamnama a pakaisagutan dagiti bumarangay ti Barangay Dardarat. Pinagyamananna met ti LGU-Cabugao ken dadduma pay nga Ahensia a kakammayetda ken mangtartarabay kadagiti programa dagiti Eskolar a Hapones ditoy Cabugao. 

Nagatendar met dagiti Konsehales ti ili nga isuda SBM Danny Q. Gazmen; SBM Vicky S. Serna; SBM Dr. Jemaima S. Tan-Yee ken ni SBM Josefina S. Vallejo. # (Web In-Action)

No comments:

Post a Comment