Cabugao, Ilocos Sur – Maisaksaknap ita ti awis iti para iti sapasap a panagidonar iti lapis babaen ti panangipisok iti idonar a lapis iti drop box nga adda kadagiti Opisina ti Ahensia ti Gobierno ken dagiti SM Supermalls.
Daytoy a programa ti Ahensia ti DSWD ket nainaig iti pannakaselebrar ti National Childrens Month ket determinado a makakolekta ti Ahensia iti umabot ti 1,000,000 a bilang ti Lapis a maitulong kadagiti makurkurangan ti kasapulan nga agad-adal kadagiti nasulinek a disso ti pagilian ken panggepna ti mangipasdek iti World Record.
Nangrugi ti kampania daytoy a programa idi bulan ti Abril 2016 agingga iti Oktubre 2016 ken maudi a panagbilangda inton Nobiembre 2016.
Daytoy nga aksion ket paset ti programa ti DSWD a pakipartneran ti LGU-Cabugao para kadagiti gannuat a mangtulong kadagiti nakurkurang ti oportunidadna nga agad-adal iti intero a pagilian. # (Web In-Action)
No comments:
Post a Comment