Friday, August 19, 2016

BLESSING KEN CUTTING OF RIBBON TI QUEZON BRGY. HALL, NAANGAY

Cabugao, Ilocos Sur – Naangay ti pannakabendision ken cutting of ribbon ti kabarbaro a naipasdek a Barangay Hall a masarakan iti Brgy. Quezon, Cabugao, Ilocos Sur iti   Agosto 19, 2016.


Immuna a naaramid ti panangbendisir  ni  Rev. Fr. Felix Costales  iti nadakamat a pasdek sa naisaruno ti  pannakagetteng ti laso iti pannakaisibro ti kabarbaro a pasdek ti  Barangay Hall babaen kada Mayor Josh Edward S. Cobangbang ken ni Brgy. Captain Nida S. Braceros nga inimatangan ti kaaduan.

Nangited ti mensahena  ni Mayor Josh Edward S. Cobangbang. Kimmablaaw ken nagyaman kadagiti amin a nagatendar. Dinakamatna ti pateg daytoy a nabangon a pagkamangan dagiti lumugar iti Barangay Quezon ket sapay koma ta ammo dagiti lumugar a bigbigen ti pateg daytoy a  naileppas a proyekto.

Nakikaysa met dagiti  Opisiales  ti Barangay nga idauluan ni ABC President Thaddeus U. Soller kasta metten da Vice Mayor DJ Savellano ken dagiti Konsehales ti ili nga isuda  SBM Danny Q. Gazmen; SBM  Vicky S. Serna;  SBM Josefina S. Vallejo; SBM Atty. Randy B. Kinaud; SBM Jayhan Charisma Alcid-Tan; ken ni SBM Dodjie S. Santella.


Nakipaset met iti Cutting of Ribbon Ceremony dagiti Opisiales ti Barangay nga idauluan ni Punong Barangay Nida S. Braceros kasta metten dagiti Kameng ken Opisiales  ti Asosasion nga adda iti barangay. 

Iti Closing Program, pinagyamanan ni Punong Barangay Nida Somera Braceros ti LGU-Cabugao kasta metten da Pasado Mayor Edgardo “Ediboy” S. Cobangbang, Jr.  ken ni Former Congressman Ronald V. Singson iti pannakailungalong ti pannakaaramid daytoy a proyekto para kadagiti bumarangay ti Barangay Quezon ken kasta metten kadagiti amin a nakipaset  iti nasao a taripnong ken  dagiti nakipaggamulo iti naballigi a pannakaipatungpal ti nadakamat nga  aktibidad. # (Web In-Action)

No comments:

Post a Comment