Cabugao, Ilocos Sur – Nagsaruno a naaramid ti Turnover ti Fertilizer Subsidy kadagiti mannalon iti 2 a barangay iti Barangay Bungro ken Barangay Salapasap, Cabugao, Ilocos Sur idi Agosto 6, 2016 iti Barangay Hall kadagitoy a nadakamat a barangay.
Imbagian da SBM Danny Q. Gazmen; SBM Vicky S. Serna ken ni SBM Josefina S. Vallejo ni Mayor Josh Edward S. Cobangbang iti pannakaiturn-over dagiti nasao a bag ti ganagan kadagiti mannalon kadagitoy a nadakamat a barangay.
Daytoy a Distribusion ti Ganagan ket paset ti programa ti LGU-Cabugao a tumulong iti Sektor-Agrikultura kadagiti 33 a barangay ti Munisipalidad ita a Wet Season 2016 (Hunio-Nobiembre).
Iti naipagteng a Mensahe ni Mayor Josh Edward, kimmablaaw ken nagyaman ta maikkan dagiti mannalon nga agtultuloy a katinnulong ti Gobierno Lokal a mangidur-as iti rice self-sufficiency program ket makomplementaran ti reggetda babaen iti pannakaited iti libre nga usarenda ken mainayon iti puonanda nga agpatanor iti nakalidad nga apit.
Timmarabay da Brgy. Captain Fermin Sarinas ti Barangay Bungro ken ni Brgy. Captain Ronel Zamora iti Barangay Salapasap kasta metten dagiti Opisiales ken kameng dagiti Farmer’s Association kadagiti nadakamat a barangay.
Kabayatanna, impeksa dagiti mannalon iti naan-anay a panagyamanda iti Gobierno Munisipal nga idauluan ni Mayor Josh Edward ken iti agtultuloy a panangasistir kadakuada dagiti pannakabagi ti DA-LGU Cabugao nga idauluan ni Acting Municipal Agriculturist Robert S. Savella.
Dagitoy a subsidized inputs ket paset ti programa iti pannakaidur-as ti Agrikultura iti LGU-Cabugao nga idauluan ni Mayor Josh Edward S. Cobangbang babaen iti pannakatulong dagiti sapasap a mannalon iti inda manen panagpatan-ay ti pagay iti Wet Season 2016 (Hunio-Nobiembre). # (Web In-Action)
No comments:
Post a Comment