Thursday, August 3, 2017

BALIKBAYAN, NANGIDONAR TI AGAS

Cabugao, Ilocos Sur – Impamatmat ni Dr. Arnold Dision ti napintas a kababalin ti maysa a Cabugaoenian ta bimmisita ditoy ili a Cabugao, Ilocos Sur itay nabiit ken nangibati iti donasion a pakabuklan ti agas a para ubbing.


Simmarungkar ni Dr. Dision ken ni Mayor Josh Edward S. Cobangbang iti Opisina ti Ama ti Ili  ket binayabay dagiti Konsehales nga isuda SBM Vicky S. Serna; SBM Dr. Jemnaima S. Tan-Yee ken ni SBM Josefina S. Vallejo ni Mayor Josh Edward a nangpasangbay iti Doktor a naggapu iti Honolulu, Hawaii, USA.

Gapu itoy  a naipakita ti maysa a managlaglagip a kailian ket napadayawan ni Dr. Dision babaen iti panangawatna iti Certificate of Appreciation a naggapu iti LGU-Cabugao gapu iti panangitandudona iti universal healthcare para kadagiti umili ti Cabugao, Ilocos Sur.

Naited ti Pammadayaw iti mangngagas idi Agosto 1, 2017 ditoy Rizal Barangay Hall, Brgy. Rizal, Cabugao, Ilocos Sur.  # (Web In-Action)

No comments:

Post a Comment