Monday, August 7, 2017

FARM TRACTOR, NAIYAWAT ITI NEW MARADODON AGRARIAN COOPERATIVE

Cabugao, Ilocos Sur – Naaramid ti pannakaiturn-over ti makinaria a  Tractor (Kubota Synchro Shuttle L 3608) a nagun-od ti New Maradodoon Agrarian Cooperative Association, Inc.  nga idauluan ni Mr. Ceferino R. Suboc, BOD Chairman ken Taga- Sitio Caset, Brgy. Maradodon, Cabugao, Ilocos Sur  manipud iti Departamento ti Agrikultura (DA)-Regional Field Office 1, San Fernando City, La Union babaen iti Philippine Rural Development Program (PRDP)-Region 1 ken kakammayetna ti Department of Agrarian Reform (DAR); ti LGU-Cabugao ken iti Provincial Government ti  Ilocos Sur.  


Naaramid ti turnover ita nga Agosto  7, 2017 iti sango ti Cabugao Cultural and Sports Complex, Brgy. Rizal, Cabugao, Ilocos Sur.

Indauluan da  Mayor Josh Edward S. Cobangbang ken ni Ms. Sharon Viloria, Component Head, PRDP-Region 1  dagiti nangimatang iti pannakai-turnover ti nadakamat a makinaria ken binayabay dagiti Opisiales ti Kooperatiba  ken kasta metten a nakikaysa dagiti Konsehales ti ili nga isuda SBM  Atty. Randy Baniaga  G. Kinaud, Committee Chairman on Agriculture, Fisheries and Cooperatives   ken kasta metten da SBM Danny Q. Gazmen; SBM Vicky S. Serna; SBM Dr. Jemaima S. Tan-Yee; SBM Josefina S. Vallejo; SBM Atty. Bryan Jett S. Pano; ABC President Thaddeus U. Soller ken ni Mr. Hermes A. Asit iti MPDC  iti nadakamat  a turnover.

Segun ken ni Municipal Agriculturist Robert S. Savella, nagun-od ti nadakamat a makinaria babaen iti naregta  a panagkalikagum ti maseknan a Kooperatiba babaen iti panangilungalong ti LGU-Cabugao  iti Departamento ti Agrikultura (DA)-Regional  Field Office -PRDP Region 1,  San Fernando City, La Union.


Innayon ni Mr. Savella a ti nadakamat a makinaria ket maited iti  nadakamat a Kooperatiba a naka-base sadiay Barangay  Maradodon, Cabugao, Ilocos Sur.

Kabayatanna, impeksa met dagiti Opisiales ti asosasion nga immawat kadaytoy iti panagyamanda iti Departamento ti Agrikultura (DA)-RFO 1 ken iti LGU-Cabugao iti panangawatdan ti nadakamat a makinaria kasta metten nga agyamanda met iti agtultuloy a panangtarabay ti LGU-Cabugao nga idauluan ni Mayor Josh Edward S. Cobangbang  iti Kooperatiba-da. 

Nakikaysa met dagiti DA-LGU Staff  nga idauluan ni Municipal Agriculturist Robert S. Savella kasta metten  da Mark Palaganas, Project Development Associate ti PRDP-Region 1; Pablo Q. Quemi, pannakabagi ti Opisina ti DAR-Cabugao iti nadakamat a turnover. # (Web In-Action)

No comments:

Post a Comment