Thursday, August 10, 2017

2-DAY DILG CONFERENCE, NAANGAY DITOY CABUGAO

Cabugao, Ilocos Sur – Naangay ti 2-Day Utilization Conference ti Department of the Interior and Local Government (DILG)-Ilocos Sur  ken iti DILG-Region 1 ditoy ili a Cabugao, Ilocos Sur.

Binayabay ti MLGOO-Cabugao babaen ken ni MLG Officer Mrs. Constancia “Connie” Lazo  Quinola, LGOO V dagiti nagkokomperensia iti ili a Cabugao a kas Host Municipality iti First District kadaytoy a taripnong ti DILG.


Naangay ti Komperensia   idi Agosto 9, 2017 sadiay pasdek ti Early Childhood Care Development Center, Cabugao, Ilocos Sur.

Nagatendar dagiti Opisiales ti Barangay; Department Heads ti LGU-Cabugao; Opisiales ti ili nga idauluan ni Mayor Josh Edward S. Cobangbang.

Iti Day 1, Agosto 8, 2017, inwayat dagiti Graduate Researchers  ti University of Northern Philippines (UNP)  ti survey kadagiti maseknan ditoy ili a Cabugao.

Iti Day 2, Agosto 9, 2017, naangay ti komperensia ket naestudiar ti resulta iti survey ken  nataming ti Citizen Satisfaction Index a ditoy ket naammuan no kasano iti kadur-as iti pannakaammo dagiti napagsaludsodan nga umili iti awareness ken availment-da  kadagiti serbisio a mait-ited kadakuada manipud iti Gobierno Lokal.


Babaen itoy, madeterminar iti pagpigsaan ken pagkapsutan iti pannakatarawidwid ti serbisio. Naaramid pay ti action planning dagiti nagatendar iti maaramid a Citizen Priority Action Plan (CPAP).

Nagatendar da DILG Regional Director James F. Fadrilan, CESO IV; pannakabagi ti DILG Ilocos Sur Provincial Office nga idauluan ni  Virgilio P. Sison, CESE ken ni Local Government Capability Development Chief Pedro D. Gonzales ti DILG-Region 1. # (Web In-Action)

No comments:

Post a Comment