Friday, August 18, 2017

ZONE MEET 2017, MAANGAY ITI UPPAT A DISSO

Cabugao, Ilocos Sur – Maangay ti Zone Meet iti uppat a  Sona ti pageskuelaan  ti Cabugao DepED District iti Agosto 18, 2017.

Dagiti disso ti pageskuelaan a nakaangayan ti sport selection ket iti sumaganad: Zone 1, Salapasap Elementary School, Brgy. Salapasap, Cabugao, Ilocos Sur;  Zone II,  Namruangan  Elementary School, Brgy. Namruangan, Cabugao, Ilocos Sur; Zone  III, Sagayaden Elementary School, Brgy. Sagayaden, Cabugao, Ilocos Sur ken ti Zone IV, Sisim Elementary School, Brgy. Sisim, Cabugao, Ilocos Sur.

Dagiti sports events a pagpartisiparan dagiti nakapilian dagiti atleta nga agsasalipto  para iti District Meet ket iti Baseball/Softball; Volleyball; Badminton; Football; Table Tennis; Chess;  Athletics ken Scrabble.

Ti Zone Meet ket naituding a pakaangayan a pangipakitaan  ti kabaelan dagiti ubbing nga adda potensialna iti panagay-ayam iti nadumaduma nga sports events iti las-ud ti napagtitipon a pagadalan. Dagitoyto  ti mangibagi iti maangay a District Meet iti Cabugao DepED ken iti nangatngato a tukad wenno agpang ti pagsasalipan dagiti agad-adal iti elementaria.

Kangrunaan a mangtarawidwid kadagiti mapasamak nga sports activities iti Cabugao DepED  babaen iti Opisina ti District PESS Coordinator.  # (Web In-Action)

No comments:

Post a Comment