Monday, August 7, 2017

SATURDAY MATH CLASS, NARUGIAN MANEN

Cabugao, Ilocos Sur – Nailunsad ti Saturday Math Class kadagiti napili nga ubbing nga agad-adal iti intero a pageskuelaan ti Cabugao DepED District  idi Agosto 5, 2017 iti Cabugao North Central School ken iti Cabugao South Central School, dua a dadakkel a pageskuelaan ti Cabugao.

Segun kadagiti mangtartarawidwid a mangisursuro kadaytoy agsasaruno a Sabado a Math Classes ket napili dagiti ubbing nga agklase iti Math maibasar iti kapabilidadda kadagiti naglabas a Math Class.

Imbatad met dagiti Nagannak/Guardians a napan nagbantay idi  Agosto 5, 2017  ket saan a panagtaktak ti panagsakripisioda a nangbantay ken nangtarabay kadagiti annakda iti maang-angay a Math Class kadagiti pageskuelaan ti Cabugao DepED District iti intero a Munisipalidad ti Cabugao. 

Kinuna  met dagiti kaaduan a nagannak a nagbantay iti ruar ti klase a maragragsakanda ta maipamaysa a masanay manen dagiti annakda iti Subject a Math ken manayonan ti panagtalek dagiti ubbing kadagiti bagbagida gapu ta adda pakaidumaanda a kabaelan iti kaaduan a kaeskuelaanda.

Kadagiti met ubbing a nairaman kadaytoy a panagsanay ket kayatda met a takuatan ti kabaelanda ken maibilang a parte iti pannakadisiplinada daytoy nga aktibidad nga iwayat ti DepED.

Innayon dagiti mangisursuro a maobserbaran   kadagiti nagenrol ket isuda ti kaaduan a nalaing iti klaseda iti pageskuelaanda nangruna iti Math Subject ken isuda pay ti kaaduan a maikonkontes iti nasao nga asignatura iti Distrito ken iti Division Level. # (Web In-Action)

No comments:

Post a Comment