Wednesday, August 2, 2017

NAGLEPPAS TI SATURDAY SCIENCE CLASS ITI CABUGAO DepEd, SUMARUNO ITI MATH CLASS

Cabugao, Ilocos Sur  - Nasapsapa a naileppas iti Science Class dagiti pannakabagi iti 26 a Pagadalan-Elementaria  iti ili a Cabugao, Ilocos Sur a nangrugi idi Hulio 8, 2017 ken nagleppas idi Hulio 22, 2017.

Babaen iti Division Memorandum No. 135, Series 2017, naipatungpal ti Science  Class kadagiti Elementaria ken Sekundaria a tukad iti pageskuelaan ti Ilocos Sur babaen iti panagkinnammayet dagiti Division Association of Science Coordinators and Advisers. Naaramid daytoy babaen iti boluntario a panagrehistro dagiti interesado nga agad-adal (Elementaria ken Sekundaria).

Ditoy ili a Cabugao, naaramid ti Science Class iti tunggal aldaw ti Sabado (8:00 AM -12:00 Noon Time)  iti Cabugao North Central School, Brgy. Rizal, Cabugao, Ilocos Sur.

Dagiti  maawat nga Estudiante/Pupils ket naggapu iti Grade 3 agingga iti Grade 10 iti 26 a pagadalan iti Cabugao DepED District. 

Dagiti maganab dagiti Estudiante ken Pupils  iti maadalda itoy nga asignatura ket dagiti sumaganad:

1. Mapagbalinda a critical problem solver.
2. Responsable nga stewards ti  nakaparsuaan.
3. Innovative and creative citizens.
4. Informed decision makers.
5. Effective communicators.

Malaksid itoy, naawis iti naan-anay a partisipasion dagiti Teachers; Learners; Nagannak ken iti Komunidad para iti Science Education ken makatulong daytoy kadagiti interesado nga agadal iti Philippine Science High School ken mangapresiar iti Science Instruction kadagiti pageskuelaan.

Daytoy a programa ket naipatungpal babaen iti Direktiba ni Ms. Gemma Q. Tacuycuy, CESO VI, Schools Division Superintendent, DepED-Ilocos Sur ken ipatungpal met  dagiti District Supervisors; Elementary School Heads/Principals/OICs; Public Secondary School Heads/Department Heads/OICs.

Kalpasan daytoy ket maisaruno met a maangay ti Math Class dagiti napili nga ubbing kadagiti 26 a pagadalan. Marugian koma idi Hulio 29, 2017 ngem maigapu iti Typhoon Gorio ket maisanud iti eskediul ti panangrugina.   # (Web In-Action)

No comments:

Post a Comment