Monday, August 14, 2017

MDRRMC-CABUGAO, AKSIDENTE PAY TI SAKLAWENNA

Cabugao, Ilocos Sur – Pinaneknekan ti Cabugao Rescue-WASAR Team a pannakaramay ti MDRRMC-Cabugao iti panagaksionda  a madagdagus iti  napasamak  a panagdinnungpar ti  Revo Toyota ken Galant a kotse idi malem ti Agosto 12, 2017 idiay National Highway, batog ti Barangay Labnig, San Juan, Ilocos Sur.

Segun ken ni Engr. Nestor B. Somera, LDRRMC Officer ti LGU-Cabugao  a nausar dagiti Ambulansia iti LGU-Cabugao nga immarayat kadagiti biktima iti nadakamat nga aksidente.

Kasta metten a naiyarayat dagiti Heavy Equipment iti Munisipio a nangkarga kadagiti nadadael a lugan ken nang-clearing  iti nakapasamakan ti desgrasia.

Innayon ni Engr. Somera nga agaktuarda a dagus iti MDRRMC  nangruna iti Rescue Team no adda mapagteng a disgrasia wenno kalamidad.

Dagitoy nga aksion ken inisiatiba ket resulta iti naannayas a pannakaipatungpal dagiti maitutop  nga aksion ti MDRRMC no adda kalamidad ken desgrasia. 

Ti MDRRMC-Cabugao ket agtigtignay babaen iti  panangtarabay ni Mayor Josh Edward S. Cobangbang  a  Chairperson. # (Web In-Action)

No comments:

Post a Comment