Thursday, August 31, 2017

RAMIT PARA ITI LIVELIHOOD, NAI-TURNOVER ITI RIC-CACADIRAN

Cabugao, Ilocos Sur – Naaramid ti pannakaiyawat dagiti ramit a mausar  iti ube processing, wine-pastries ken ice cream kadagiti kameng ti Rural Improvement Club (RIC) ken dagiti Opisiales ti Barangay iti  Brgy. Cacadiran, Cabugao, Ilocos Sur  manipud iti Bottom-Up Budgeting iti (BUB)-LGU Cabugao nga idauluan ni Mayor Josh Edward S. Cobangbang ken iti Ahensia ti Department of Trade and Industry (DTI).  


Naaramid ti turnover idi Agosto 29, 2017 iti sango ti Cabugao Cultural and Sports Complex, Brgy. Rizal, Cabugao, Ilocos Sur.

Indauluan ni Mayor Josh Edward S. Cobangbang a nangimatang iti turnover a  binayabay dagiti Opisiales ti  RIC ken ti Barangay nga immawat kadagitoy a  nadakamat a ramit  kasta metten a nakikaysa dagiti Konsehales ti ili nga isuda SBM  Danny Q. Gazmen; SBM Vicky S. Serna; SBM Dr. Jemima S. Tan-Yee; SBM Josefina S. Vallejo; SBM Atty. Randy Baniaga G. Kinaud ken ni BUB Coordinator Edgar S. Balangatan  iti nadakamat  a turnover.

Kabayatanna, impeksa met dagiti nadakamat nga Opisiales ti asosasion ken barangay nga immawat kadagitoy iti panagyamanda iti LGU-Cabugao ken ti DTI iti panangawatdan ti nadakamat a ramit kasta metten nga agyamanda iti agtultuloy a panangtarabay ti LGU-Cabugao nga idauluan ni Mayor Josh Edward S. Cobangbang  iti pannakagun-odda ti kalikagumda. # (Web In-Action)


No comments:

Post a Comment