Tuesday, August 1, 2017

DISTRIBUTION TI LIBRE A GANAGAN, NAILEPPAS

Cabugao, llocos Sur –   Nagkair ti lima  nga aldaw iti  naaramid a  Distribusion ti  Fertilizers kadagiti ID Card Holder a mannalon manipud iti Hulio 25, 2017 agingga iti kabigatan ti Hulio 28, 2017 (8:30 AM-12:00 Noon). 

Daytoy ket parte ti programa ti LGU-Cabugao iti pannakatulong dagiti mannalon a pannakaited daytoy libre a ganagan a mainayon iti puonanda  iti panagtalonda iti Wet Season 2017 (Hunio-Nobiembre). 

Naaramid ti panagwaras iti ganagan kadagiti Barangay Hall dagiti  33 a barangay.

Tumartarabay ni Municipal Agriculturist Robert S. Savella iti pannakaiwaras dagiti  ganagan (Urea 46-0-0 ken ti Ammonium Phosphate 16-20-0), sagdudua iti tunggal  mannalon a kameng kadagiti Farmers  Association ti ili.

Innayon ni Mr. Savella a dagiti sumaganad ti datos iti fertilizer distribution:

Naikkan a bilang ti Farmers – 4,513 
Bilang ti naited a nayon ti ganagan - 4513 Potassium Humate.

Bilang ti naited a bags ti ganagan:  4,513  Bags _  (16 20 0) 
4,513 Bags -   (45 0 0)

Dagitoy a  ganagan ket naisangrat nga usaren dagiti mannalon iti panagtatalon iti Wet Season 2017  (Hunio-Nobiember) ken naggapu iti  Local Government Unit ti ili a Cabugao nga idauluan ni Mayor Josh Edward S. Cobangbang. # (Web In-Action)

No comments:

Post a Comment