Cabugao, Ilocos Sur – Naaramid ti Skills Training on Goat Raising with Vegetable Production iti 95 nga 4 Ps Beneficiaries iti nadumaduma a barangay ti ili a Cabugao, Ilocos Sur iti dua nga aldaw, Agosto 24-25, 2017.
Naangay ti Opening Program iti Cabugao Cultural and Sports Complex, Brgy. Rizal, Cabugao, Ilocos Sur iti Agosto 24, 2017.
Segun iti Municipal Link Staff ti 4 Ps, malaksid nga ikkan ti DSWD-SLP iti taraknenda a kalding iti tunggal ag-training kas pamuonanda ket masanayda pay iti panagpatanoran iti nateng nga ayuda iti maited a pagbiaganda.
Nagatendar da MSWD Officer Mrs. Lydia S. Gazmen; Mr. Dennis P. Aguimbag, SLP-PDO ti SLP-DSWD Region 1; Mrs. Wilma S. Cruz, Focal Person ti SLP iti MSWD Office ken kasta metten dagiti Staff ti 4 Ps Municipal Link-Cabugao nga isuda Miss Aida S. Cueto; Mrs. Rosemarie Pespes; Ms. Chona Tabulinar; Mr. Kennedy Cortez ken ni Miss Juliet Madriaga.
Ti Sustainable Livelihood Program (SLP) ti DSWD ket kakammayetna ti LGU-Cabugao nga idauluan ni Mayor Josh Edward S. Cobangbang a mangted ti livelihood training assistance kadagiti 4 Ps Beneficiaries.
Agpaay a Lecturer ni Dr. Melvin G. Castro, DVM, Municipal Livestock Coordinator a Lecturer iti Goat Raising idinto ta ni Ms. Ester P. Aguimbag, HVCDP Coordinator iti maipapan iti Vegetable Production.
Naaramid ti panagsanay dagiti Trainees babaen iti panangtimon ni Mr. Dennis P. Aguimbag, SLP-PDO ti SLP-DSWD Region 1. # (Web In-Action)
No comments:
Post a Comment