Tuesday, August 15, 2017

CLEAN-UP DRIVE, AGTULTULOY NGA ANG-ANGAYEN TI NAGANNAK ITI CSCS

Cabugao, Ilocos Sur – Ang-angayen ti PTA-Cabugao South Central School, Cabugao, Ilocos Sur iti  Clean-up Drive iti mamindua iti makabulan iti kallabes  tapno madalusan a naan-anay ti uneg dagiti kuarto ken aglikmut iti pageskuelaan agraman iti National Highway a mabatogan ti pagadalan.

Iti napalabas a Meeting ti PTA, ti regular a panagdalus iti naipangruna a natratar kasta metten dagiti nagapuananda a naipalaon iti Accomplishment Report. Nagyaman   dagiti Mangisursuro  iti agtultuloy a pannakitinnulong ti PTA nga idauluan ni Mr. Walberto Torres, President kasta metten iti LGU-Cabugao iti pagdurdur-asan ti pageskuelaan. Dinayawda ti kinamannakitinnulong dagiti nagannak, Guardians iti pannakamantener  ti pagadalan ti Cabugao  South Central School.

Malaksid iti panagdaldalus, kanayon met a maireport dagiti nagapuanan ti PTA babaen iti Financial Reports iti benneg ti PTA Funds; School Fund; School Canteen Fund kasta metten iti Graduation.

Kabayatanna, maipatpatungpal met dagiti School Concerns and Issues a kas iti School Safety Rules and Measures, Child Protection Policy/Anti-Bullying,  Brigada Eskwela, School Feeding Program, Preparation of School Garden  (SIGA), Schedule of Work/Clean up Drive, Cleanliness and Beautification, Membership to Organization (MB, GSP, BSP, Sports, Choir), DepED Issuances ken dadduma pay a pakaseknan ti PTA.

Maidatag met dagiti amin a problema ken pakaseknan iti uneg ti pagadalan ket matratar a nasayaat ken mapagpapatangan iti solusionda.

Imbatad ti PTA President nga iti agtultuloy a panagdalus iti las-ud ti pagadalan ket adda pannakainaigna iti yuumay dagiti Evaluators iti Benneg-Nasional pakaseknan iti mapaspasangasangan a pannakaangay ti Palarong Pambansa iti Heritage Province of Ilocos Sur inton Tawen 2018. # (Web Situational Report)

No comments:

Post a Comment