2015 CORONATION RITES TI CABUGAO SOUTH CENTRAL SCHOOL, NABALLIGI

Cabugao, Ilocos Sur – Naangay ti 2015 Cabugao South Central School Coronation Rites ti Cabugao South Central School idi rabii ti Marso 20, 2015 iti Open School Auditorium iti nasao a pagadalan.

Sakbayna, naangay ti Parade Around the Town iti bigat iti dayta a petsa babaen kadagiti agbasbasa iti nasao a pageskuelaan.

Iti seremonia ti Koronasion, immuna a naangay ti Doxology; sa Pambansang Awit; simmaganad ti Welcome Talk ni Mr. Percival  Somera, CSCS PTA President; ken Entrance of the Past Royal Court, His Royal Highness King Enoch Gil Seguritan 1st  ken Her Majesty Queen Hyacinth Ranada 1st.

Naisaganad ti Investiture ti Mr. & Miss CSCS 2015. Kinoronaan da  SB Member Vicky S. Serna ken ni Mr. Rodel P. Suniega, Principal, Turod ES ti Ari kasta met da Mr. Rodel P. Suniega ken ni SB Member Josefina S. Vallejo iti Reyna.

Naiyaspili dagiti Sashes ti 13 a Paris ti Prinsipe ken Prinsesa nga idauluan ti Ari ken Reyna babaen kadagiti nagannakda.

Simmaruno ti pannakaipan dagiti Coronets dagiti umuna nga innem nga  agparis a Prinsipe ken Prinsesa babaen kadagiti napusgan a mangorona nga Opisiales ken Indibidual ken dagiti Partner-da.

Naited pay dagiti Trophies dagiti 6-Pairs Prince and Princesses. Kalpasan dagiti Tribute nga impaay manipud iti Kindergarten Pupils agingga iti Grade V1 Pupils, naaramid ti Recessional.

Nasangaili pay dagiti Balikbayans ken  Retirado a Mangisursuro  iti South Central School.

Nagatendar met iti Coronation Rites da Brgy. Captain Valentin S. Tuyor, Jr. ken  Kagawad Remedios S. Cruz ti Brgy. Bonifacio kasta met   ken ni  Mrs. Julia B. Cayso, Principal,  Cuantacla Elementary School.

Nakikaysa pay dagiti Balikbayans nga isuda  Mr. & Mrs. Tony Overhue.

Binagi ni Mrs. Melvie S. Sajonia, Principal II, ti CSCS iti Closing Remarks. Pinagyamananna iti panagatendar dagiti amin a nakipaset iti nasao a seremonia ken iti panagballigi daytoy nga aktibidad iti eskuelada.

Nagpaay nga Emcee da Mrs. Odette V.  Somera ken ni  Mr. Rommel Santella. # (Web In-Action)

PNP INTENSIFIES SECURITY MEASURES FOR SUMVAC 2015

The Philippine National Police Officer-in-charge PDDG Leonardo A Espina has ordered a nationwide security plan to ensure safe and secure travel of motorists and commuters this coming Lenten Season and Summer Vacation.

Espina assures the public that the PNP will ensure this year’s summer vacation to be peaceful and secured as outlined in its anti-criminality campaign dubbed as “Ligtas SUMVAC 2015”.

During this occasion, various occasions such as holy week, town fiestas, Bataan Day/Day of Valor, flores de mayo and other related activities that will start on the last week of March until the end of May this year. Such events are expected to generate numerous commuters and tourists who will travel to their respective provinces and tourist destinations and these may cause peace and order concerns including traffic congestions, accidents and other crimes. Criminal elements may take advantage of people converging in places such as beach and other tourist destinations for relaxation and recreation.

According to Directorate for Police Community Relations (DPCR) Director, Police Director Danilo S Constantino, “Police presence will be intensified through increased foot/mobile patrols, establish Police Assistance Desks/Centers (PADs/Cs) and deploy Road Safety Marshalls in convergence points particularly in bus terminals, airports, seaports, train stations, recreational areas including highways, main thoroughfares and crime prone areas to ensure maximum police presence”.

Furthermore, the PNP will continue its focus on manhunt operations against wanted persons, intelligence driven operations against criminal gangs and suspected threat groups, and service of warrants on loose firearms as stipulated in the Oplan Lambat Sibat.

“OIC, PNP PDDG Espina also instructed all RDs and Police Units to coordinate with Local Government Units (LGUs), Non-Government Organizations (NGOs) and other government entities and volunteer groups in establishing PADs/Cs and deploying Road Safety Marshalls for a collaborative and unified delivery of public safety services and assistance”, PDir Constantino added.

The public’s social responsibility and cooperation is very vital in preventing crime in the community. Thus, the PNP leadership encourages the public to provide the police with relevant and timely information through social media (Twitter @pnppio and @pnphotline or PNP Facebook page) and Isumbong Mo Kay TSIP hotline at 0917-8475757.  # Adapted News – PNP-PIO

PNP KEN BFP, INAPRESIAR IDA NI MAYOR EDIBOY

Cabugao, Ilocos Sur – Kalpasan ti Flag Raising Ceremony iti Marso 23, 2015, nagsarita ni Mayor Edgardo “Ediboy” S. Cobangbang, Jr. iti sango ti Pamilia-LGU  ket imbinsana dagiti mayataday a gannuat ti Munisipio pakaseknan kadagiti agtagikua ti  periaan idiay NISTC Public Market ken dadduma pay a panagsagana a maaramid iti umadani a panagpiesta ti ili ti Cabugao inton Abril 21-25, 2015.

Impalagip ni Mayor Ediboy iti agtultuloy koma  a nasayaat a pannakapasangbay dagiti agsangpet a Balikbayan/Bisita  nangruna kadagiti Opisina/disso  a papanan dagitoy  partikular ditoy Munisipio.

Pinadayawan pay ti Ama ti Ili iti agtultuloy a napintas a panagkammayet ken performance dagiti kameng ti Kapolisan ken Bureau of Fire Protection (BFP). Imbaga ti Alkalde Munisipal nga agtinnulong pay dagitoy a sanga ti DILG iti pannakamantener ti linak ken talna idiay pagperiaan mangrugi kadaytoy a panagoperarna  a pagturongan dagiti naruay nga umili. # (Web In-Action)

NAG-KONSEHAL PATRICIO, CENTENARIAN AWARDEE

Cabugao, Ilocos Sur – Naipaayan ti Memorial Service ni Nag-Konsehal Patricio S. Braceros ti Brgy.Cael-layan, Cabugao, Ilocos Sur manipud 1947 agingga iti 1951, maikapat a Terminona a Konsehal  ti ili a Cabugao, Ilocos Sur.  Kalpasan ti Funeral Mass iti Cabugao Catholic Church, naangay ti Memorial Service a pammadayaw kenkuana ti LGU Cabugao iti sango ti  Municipal Hall (Presidencia Porch) idi Marso 21, 2015 nga inimatangan kakabagian, am-ammo  ti Ama ken Lider, Gagayyem, Opisiales ti LGU-Cabugao ken ti Barangay Cael-layan  kasta metten  ti Pamilia LGU.

Kangrunaan a nadakamat iti naipaay kenkuana nga “Eulogies” ket dagiti naibatina a nasayaat a kababalin ken galadna a lider  ken naipakitana kadagiti kailianna kabayatan iti panagserbisiona iti Ili. 

Nayanak ni Konsehal Patricio “Tata Patti” kadagiti kasingedna   idi Marso 17, 1912 kadagiti agassawa nga Agustin  Braceros ken ni Agustina Sait. 

Naited met ti Pammadayaw ken pangliwliwa kadagiti inulila  ni Nag-Konsehal Patricio S. Braceros baba en iti maysa a Resolusion manipud iti Sangguniang Bayan   ti ili a Cabugao, Ilocos Sur  nga idauluan da Mayor Edgardo “Ediboy” S. Cobangbang, Jr. ken ni Vice Mayor Deogracias Jose Victorino “DJ”  H. Savellano kas panagsaganadda iti pannakipagriknada    iti panagturongen ni Nag-Konsehal Patricio iti nagkaysa a biag. 

Nangipaay met ti Message of Sympathy ni Mayor Ediboy kadagiti naulila a kameng ti Pamilia ni Ex-Councilor Braceros. 

Sakbayna, napadayawan ni Dios ti Aluad-na Patricio S. Braceros kas Centenarian Awardee manipud iti Gobierno Probinsial nga idauluan ni Governor Ryan Luis V. Singson gapu iti pannakagtengna iti Tawen-na a 103.  # (Web In-Action)

RHU PROGRAM, NAKA-INTACT PARA KADAGITI UMILI

Cabugao, Ilocos Sur – Malaksid iti inaldaw a panagagas dagiti Medical Personnel (Doktor, Nurse, Midwives, Dentist ken RN-Heals) iti Rural Health Unit-Cabugao ket maar-aramid met ti panagtignay dagiti sanga ti serbisio ti salun-at  kadagiti 33 a barangay ti ili a Cabugao, Ilocos Sur.

Kabayatanna, agtigtignay dagiti RN-Heals Nurses kadagiti barangay nga agbakuna iti anti-pneumonia kadagiti nataengan tapno maikkan met iti nasayaat a pannakataripato iti salun-at dagiti Senior Citizens.

Maibasar kadagiti report, maaksionan daras dagiti rumsua a sakit kas iti panagtuko babaen kadagiti pannakabagi ti RHU-Cabugao. Ket gapu ta mataming a nasapsapa ket maalay-ayan ti panagwarasna  iti lokalidad, segun ken ni Dr. Bernardino P. De Gracia III, Municipal Health Officer.

Iti biang met ti Community  Health Team (CHT) iti Barangay, ar-aramidenda  dagiti pagrebbenganda ket dagiti magapuananda ket mapagkaykaysa iti reportda a maited iti RHU-Cabugao para iti pannakainayon ken pakaammuan ti Municipal Health Office (MHO-Cabugao)   iti kasasaad dagiti kakaduada nga agtartarabaho iti benneg ti salun-at kadagiti barangay.

Dagitoy nga aksion ken inisiatiba ket gubuay iti napintas a koordinasion dagiti maseknan nga Opisina iti salinong ti LGU-Cabugao nga idauluan ni Mayor Edgardo ”Ediboy” S. Cobangbang, Jr.  para iti agtultuloy a pannakamantener  ti salun-at dagiti umili ti Cabugao, Ilocos Sur. # (Web In-Action)

TRAINING/SEMINAR TI NGO’s, INGGANNUAT TI MAFC-CABUGAO

Cabugao, Ilocos Sur - Naangay ti maysa nga aldaw a panagseminar dagiti kameng ti nadumaduma nga Asosasion iti masakupan ti Municipal Agriculture and Fishery Council  (MAFC) iti ili a Cabugao, Ilocos Sur idi Marso 19, 2015 iti St. Mark Parish Center, Cabugao Catholic Church, Cabugao, Ilocos Sur.

Kalpasan iti ababa a programa,  naglektiur ti Resource Speaker nga isu  ni Mr. Dario Roy Siruno, Municipal Information and Tourism Officer. Kadua ni Mr. Siruno da SB Secretary Maxfel S. Suboc ken ni Miss Rema Lucero kadagiti resource person  kadagiti naiyadal a Topiko a kas iti Bookkeeping, Project Proposal and Resolution Making ken Parliamentary Procedure.

Nagpaut ti Training/Seminar iti maysa nga aldaw (8:00 am-5:00 pm) ken adda P150 a Registration Fee  ti tunggal participant.

Ti MAFC-Cabugao ket idauluan ni MAFC Chairman Rogelio C. Barlolong ken ni Mrs. Joenah G. Sevilleja, AT, MAFC Coordinator. # (Web In-Action)

AGLATLATAK DAGITI PWD’s TI ILI A CABUGAO!

Cabugao, Ilocos Sur – Kalpasan ti pannakagaw-at ti Hall of Fame Award ti Person with Disability (PWD’s) iti Barangay Bonifacio nga idauluan ni Mr. Dante Ullero, sinublat ti Brgy. Daclapan PWD’s ti kinakampeonato iti salip ti Siglat Awards 2014. 

Dagiti sumaganad ti gapuanan ken pammadayaw a nagun-od dagiti PWD’s a nakairagpatan met ti Barangay Daclapan agraman kadagiti seminar ken panagsanay nga inatendaran dagiti kameng  ken ti panangpapintasda iti rekord ken kasasaad ti asosasion-da iti barangay: 

MATARAKEN A KALDING, NAITED KADAGITI PWD’s

Nai-turnover ti 55 a Kalding kadagiti 55 a Benepisiario iti Proyekto a “Goat Production and Management”  ti  Federation of Persons with Disability-Cabugao nga idauluan ni Mr. Dante Ullero, Federation President ket naangay iti panangallawatda kadagitoy a mataraken a dinguen iti arubayan ti Cabugao Dayo, Brgy. Baclig, Cabugao, Ilocos Sur idi Pebrero 25, 2014.

Tinarawidwidan ni MSWD Officer Mrs. Lydia S. Gazmen iti pannakaited dagiti nasao a kalding a kaduana ni Mrs. Jenelyn Castillo, JO iti MSWDO.

Inimatangan met ni Vice Mayor Deogracias Jose “DJ” H. Savellano a nangibagi ken ni Mayor Edgardo “Ediboy” S. Cobangbang, Jr. iti pannakaiyallawat dagitoy a mataraken a kalding kadagiti Recipients ti PWDs-Cabugao.

Ti nasao a proyekto ket nagbuligan nga impaay ti Department of Labor and Employment (DOLE)-Vigan City babaen iti panangirepresentar ni Mrs. Charity A. Ubilas, DOLE-ISFO ken ti LGU-Cabugao nga idauluan ni Mayor Edgardo “Ediboy” S. Cobangbang, Jr.

Iti pannakiuman ti Web In-Action iti daydi  a petsa, impeksa ni Mr. Dante Ullero agraman dagiti kakaduana a Recipients iti nalaus a panagyamanda iti LGU-Cabugao nga idauluan ni Mayor Ediboy kasta met kadagiti Opisiales ti DOLE-Vigan City  ta agtultuloy a maikkanda iti pateg ken tulong tapno maan-anay iti panangpasayaatda iti kasasaadda a PWDs.

TRAINING TI MEAT PROCESSING, NAKIRAMAN TI PWD MEMBERS

Babaen ti awis ti Department of Trade and Industry (DTI)-Ilocos Sur Provincial Office nga idauluan ni Provincial Director Grace R. Lapastora, CESO V, nakipartisipar dagiti kameng ti Federation of Persons with Disability-Cabugao nga idauluan ni Mr. Dante D. Ullero iti Basic Skills Training on Meat Processing idi Nobiembre 20, 2012 iti DTI Ilocos Sur Provincial Office, Vigan City.

Kalpasan ti training, nagturong ti grupo ni Mr. Ullero iti Opisina ni Mayor Edgardo “Ediboy” S. Cobangbang, Jr. ket naaramid ti dialog-da iti Ama ti Ili iti tulongna a  pannakai-follow up dagiti kiddaw ti  Pederasion ken pinagyamanan dagiti kameng ta sisusuporta ni Mayor Ediboy  iti pagsayaatan ti asosasionda.

Ti Federation of Persons with Disability-Cabugao ket rehistradon  iti Department of Labor and Employment (DOLE). 

Ti Barangay Daclapan-PWD’s iti simmublat a nakisalip iti Siglat Awards 2014 ket naiyalatna ti kinakampeonato.

SIGLAT AWARDS 2014
Champion
Best in PWD Program Implementation. # (Web In-Action)