Cabugao, Ilocos Sur – Naaramid ti panagmiting dagiti pannakabagi ti nadumaduma a sektor a mangbukbukel ti Municipal Agriculture and Fisheries Council (MAFC) ti ili a Cabugao, Ilocos Sur nga idauluan ni MAFC Chairman Rogelio C. Barlolong, Presidente a naangay iti Cabugao Cultural and Sports Complex, Brgy. Rizal, Cabugao, Ilocos Sur idi Agosto 10, 2016.
Adda 35 a kameng a nagatendar ket indauluan ni Mrs. Grenalyn P. Amoroso ti Opening Prayer ken Acknowledgement of Participants babaen ken ni Mr. Elmer G. Bromeo, Farmers Federation President iti panagrugi ti miting.
Naibasa dagiti Agenda: Agricultural Support Programs; Guidelines for the Conduct of Election; Conduct of Election; and Other matters.
Mosion ni Mr. Edy L. Sevilleja a maaprobaran dagiti naisagana a mapagsasaritaan ket naanamongan.
Naibasa ti Minutos ti Miting ti MAFC idi Hunio 15, 2016.
Naawis a nagasarita ni SBM Randy Baniaga G. Kinaud, Committee Chairman on Agriculture and Cooperatives. Dinakamatna ti akem dagiti mannalon ken mangngalap iti panagdur-as ti ekonomia. Innayon ni SBM Kinaud a kasapulan a maaksionan koma a dagus dagiti pakaseknan ken problema dagitoy tapno umannayas ti kasasaad dagitoy a sektor.
Nagsarita met ni ABC President Thaddeus U. Soller. Inulitna nga imbaga ti kalikagum ti Munisipio a pannakaimiembro dagiti amin a mannalon ken mangngalap kadagiti asosasion iti las-ud ti barangay tapno mairamanda met iti programa ken proyekto a maited kadagiti asosasion.
Impaganetget pay ni ABC President a kasapulan a mairaman met dagiti non-members a mangusar kadagiti makinaria a nagun-od dagiti asosasion tapno manayonan ti matgedan ti asosasion.
Insupusop ti ABC President a kasapulan nga agatendar dagiti Presidente ti Asosasion kadagiti sesion ti barangay-da tapno mairaman a mapagsasaritaan dagiti pakaseknanda iti deliberasion ti Konseho ti Barangay.
Nataming pay iti pakaseknan ti ID System. Napagkaykaysaan nga iti asawa ti miembro ti mabalin a mangsukat kenkuana.
Naisaganad ti Eleksion dagiti Opisiales ti MAFC iti Tawen 2016-2019:
Chairman – Rogelio C. Barlolong
Vice Chairman (PS) – Grenalyn P. Amoroso
Vice Chairman (GS) – Robert S. Savella
Secretary (PS) – Jimmy P. Seguban
Secretary (GS) Arceli Antonette S. Racho
Treasurer – Nona Lidia M. Tabaco
Internal Auditor – Joselino S. Carbonel
P.R.O. – Joselito A. Pablico
Nabutosan pay ti 10 a Sectoral Committee Chairpersons ken 4 a Working Committee Chairpersons. # (Web In-Action)
No comments:
Post a Comment