Cabugao, Ilocos Sur – Naaramid ti nagsaruno a panakai-turnover ti Fertilizer Subsidies para kadagiti mannalon iti Barangay Namruangan, Barangay Nagsantaan, Barangay Pug-os ken ti Barangay Bonifacio, Cabugao, Ilocos Sur idi malem ti Agosto 9, 2016 ket naited dagiti ganaganda iti Barangay Hall kadagitoy a nadakamat a barangay.
 |
| BARANGAY NAMRUANGAN |
 |
| BARANGAY NAGSANTAAN |
Indauluan ni Mayor Josh Edward S. Cobangbang dagiti naggapu iti Munisipio a pakaibilangan dagiti Staff ti DA-LGU Cabugao a nangimatang iti pannakaiyawat kadagiti mannalon kadagiti nadakamat a barangay nga idauluan da Brgy. Captain Robertson R. Gorospe ti Barangay Namruangan; Barangay Captain Arnold V. Yangat ti Barangay Pug-os ken ni Brgy. Captain Valentin S. Tuyor, Jr. iti Barangay Bonifacio ken kasta metten dagiti Opisiales dagiti Barangay ken dagiti Asosasion iti mannalon.
Nakikaysa met da SBM Vicky S. Serna ken ni SBM Dr. Jemaima S. Tan-Yee iti nadakamat a turnover activity.
Iti Mensahe ni Mayor Josh Edward, kimmablaaw ken nagyaman ket kunana a rebbengna laeng nga agsubli kadagiti mannalon babaen iti porma ti serbisio ken tulong dagiti naiyambagda iti Gobierno Lokal.
 |
| BARANGAY PUG-OS |
 |
| BARANGAY BONIFACIO |
Innayon ni Mayor Josh Edward nga agtultuloy daytoy a programa para iti pagsayaatan dagiti mannalon ken manaynayonan pay iti sumarsaruno a panawen.
Kabayatanna, impeksa dagiti mannalon iti nadakamat a barangay ken Asosasion iti naan-
anay a panagyamanda iti Gobierno Munisipal nga idauluan ni Mayor Josh Edward ken iti agtultuloy a panangtarabay kadakuada dagiti pannakabagi ti DA-LGU Cabugao.
Dagitoy a gannuat ket paset iti programa ti pannakaidur-as iti Benneg ti Agrikultura iti LGU-Cabugao nga idauluan ni Mayor Josh Edward S. Cobangbang tapno matulongan dagiti sapasap a mannalon iti inda manen panagpatan-ay ti pagay iti Wet Season 2016 (Hunio-Nobiembre) ditoy nga ili. # (Web In-Action)
No comments:
Post a Comment