Cabugao, Ilocos Sur – Nagleppas ti tallo nga aldaw a Training-Workshop iti Bantay Dagat (Deputization of Fish Warden) a nagpartisiparan dagiti mangngalap kadagiti coastal barangay ti ili a naangay idi Agosto 3-5, 2016 idiay Cabugao Cultural and Sports Complex, Barangay Rizal, Cabugao, Ilocos Sur.
Nabingay dagiti nagsanay iti tallo a grupo ket naregtada a nangimdeng kadagiti naiyadal kadakuada babaen kadagiti agkakalaing a Lecturers.
Iti unos ti tallo nga aldaw a panagsanay, nadiskutir dagiti topiko a kas iti sumaganad: Fishing Gear and Fishing Method, Fishery Laws, Anatomy of Blasting Fish, Internal and External Manifestation of Blasted Fish, Criminal Procedures ken Values Education.
Iti panagleppas ti Training-da idi Agosto 5, 2016, nagatendar ni Mayor Josh Edward S. Cobangbang ket pinasingkedanna ti panagturpos dagiti nagseminar iti tallo nga aldaw. Impaganetget ni Mayor Josh Edward a kasapulan nga aramaten ken ipatungpalda dagiti inadalda tapno naan-anay a katulongan ida ti LGU iti pannakaprotektar iti rekursos ti kabaybayan a mangnaynayon iti pagbiagan dagiti umili nga agnaed kadagiti Coastal Barangay.
Pinagyamanan met ni Mrs. Milagros R. Paz, Municipal Fisheries Coordinator ta naballigi ti resulta iti nasao a panagsanay babaen iti panangtarabay ti Gobierno Munisipal nga idauluan ni Mayor Josh Edward S. Cobangbang.
Dagiti Lecturers a naggapu iti BFAR Regional Office ket isuda Orlando C. Lagoy; Mary Ann A. Salomon; Mario Racho, Sr.; Dante Noles; Jake Valentine Dagdagan; Virmar Ferdinand Pulido ken ni Henry Canlas. # (Web In-Action)
No comments:
Post a Comment