Cabugao, Ilocos Sur – Simmarungkar ti grupo dagiti Eskolar a Hapones ditoy ili ti Cabugao itay nabiit ket pinsarda a paaktibuen dagiti dati a programada para kadagiti umili ken pageskuelaan iti Cabugao nga immun-una a naipatungpalda iti kallabes a tawen.
Nasangaili iti ili ni Dr. Yoshiko Nakano a dadaulo ti Delegado ti Overseas of International Service Cultural Academy or OISCA ( Japanese institution) ket naaramid ti panagpipili kadagiti baro nga Opisiales a katinnarabay ti OISCA ditoy Cabugao ket napili a pangulo ni Pasado Mayor Edgardo “Ediboy” S. Cobangbang, Jr. ken kakaduana dagiti napili nga Opisiales nga isuda SBM Danny Q. Gazmen; Mr. Dario Roy Siruno; Miss Marietta S. Cruz; Mrs. Estrellita M. Siruno; PB Modesto P. Ronque; PB Inocencio Sadac; MFARMC Chairman Danny Garcia ken ni Mr. Romeo Solar nga agsaad met iti babaenna. Naaramid ti panagsapata dagiti Opisiales ti OISCA-Cabugao iti Fiesta Garden Hotel, Bantay, Ilocos Sur idi Agosto 18, 2016. Inimatangan met ni Mayor Josh Edward S. Cobangbang ti nasao a programa ti panagsapata.
Iti mensahe ni Pasado Mayor Ediboy, kimmablaaw ken nagyaman ta maitultuloy dagiti narugian a programa ti OISCA-Japan iti ili a Cabugao. Innayonna a pakaidayawan ti ili a mangsangaili kadagitoy a naayat a tattao a mangibingbingay iti adal ken teknolohiada a mangpasayaat iti nadumaduma nga aspeto iti biag dagiti lumugar a sangbayanda.
Kanaig itoy, malagip nga iti Dekada 2000 idi maiyadu ti panagmula ti Mangrove wenno bakawan iti aplaya ti Barangay Dardarat, Cabugao, Ilocos Sur babaen ti panangilungalong dagiti pannakabagi ti Organization for Industrial, Spiritual and Cultural Advancement (OISCA) a nag-base ditoy a barangay. Inadaptar met ti barangay daytoy a panagmula ti masasao pay a “tubokayo” ti barangay babaen ti panangipamaysa idi nagtakem ni Brgy. Captain Alberto Solis ken inallawat ni Brgy. Captain Danny S. Garcia aginggana ita nga agdama.
Ti pateg ken balor daytoy a mula iti kabaybayan ket naitantandudo babaen iti panagkammayyet ti BFAR Region 1, Provincial ENRO ken ti LGU-Cabugao iti panagtakem ni Mayor Edgardo “Ediboy” S. Cobangbang, Jr. babaen kadagiti sumaganad a benepisio a natun-oyan dagiti lumugar iti coastal barangays ken dagiti sumarsaruno a henerasion ti umili iti masanguanan:
1.Pagaponan ti ikan ken dadduma pay a marine life iti sirok ti nagrarabanga a ramutna.
2.Manglapped ti panagyuduyod ti pangpang ti baybay ken agpaay a “sea water breaker” tapno maalay-ayan ti pegges ti ayus- nga agpaigid.
3.Pagaponan ti billit ken dadduma pay a nabiag iti sangsangana ken food cycle dagiti nabiag iti danum a mangpabun-as pay kadagitoy a nabiag.
4.Mabalin a pagsungrod ti maruting wenno mapukan a nagango a linabag ti kayo ti mangrove para iti pagkasapulan ti balay.
5.Napintas ti buya a pataudenna iti takdang ta parupa iti umas-asul a baybay.
Nupay kasta, nakammayyet latta ti pannakamula ti mangrove kadagiti katangriban ti Brgy. Dardarat, Salomague, Sabang, Salapasap ken Pug-os babaen ti panangiwardas da MENRO Edgar S. Balangatan ken ni Municipal Fisheries Coordinator Milagros R. Paz, AT.
Dagitoy nga aksion ken inisiatiba ket gubuay iti nainsiriban a panangisagana ti nakaparsuaan a sarikedked dagiti lumugar ken dagiti sumarsaruno a henerasion ti umili ditoy Cabugao, Ilocos Sur. # (Web In-Action)
Nasangaili iti ili ni Dr. Yoshiko Nakano a dadaulo ti Delegado ti Overseas of International Service Cultural Academy or OISCA ( Japanese institution) ket naaramid ti panagpipili kadagiti baro nga Opisiales a katinnarabay ti OISCA ditoy Cabugao ket napili a pangulo ni Pasado Mayor Edgardo “Ediboy” S. Cobangbang, Jr. ken kakaduana dagiti napili nga Opisiales nga isuda SBM Danny Q. Gazmen; Mr. Dario Roy Siruno; Miss Marietta S. Cruz; Mrs. Estrellita M. Siruno; PB Modesto P. Ronque; PB Inocencio Sadac; MFARMC Chairman Danny Garcia ken ni Mr. Romeo Solar nga agsaad met iti babaenna. Naaramid ti panagsapata dagiti Opisiales ti OISCA-Cabugao iti Fiesta Garden Hotel, Bantay, Ilocos Sur idi Agosto 18, 2016. Inimatangan met ni Mayor Josh Edward S. Cobangbang ti nasao a programa ti panagsapata.
Iti mensahe ni Pasado Mayor Ediboy, kimmablaaw ken nagyaman ta maitultuloy dagiti narugian a programa ti OISCA-Japan iti ili a Cabugao. Innayonna a pakaidayawan ti ili a mangsangaili kadagitoy a naayat a tattao a mangibingbingay iti adal ken teknolohiada a mangpasayaat iti nadumaduma nga aspeto iti biag dagiti lumugar a sangbayanda.
Kanaig itoy, malagip nga iti Dekada 2000 idi maiyadu ti panagmula ti Mangrove wenno bakawan iti aplaya ti Barangay Dardarat, Cabugao, Ilocos Sur babaen ti panangilungalong dagiti pannakabagi ti Organization for Industrial, Spiritual and Cultural Advancement (OISCA) a nag-base ditoy a barangay. Inadaptar met ti barangay daytoy a panagmula ti masasao pay a “tubokayo” ti barangay babaen ti panangipamaysa idi nagtakem ni Brgy. Captain Alberto Solis ken inallawat ni Brgy. Captain Danny S. Garcia aginggana ita nga agdama.
Ti pateg ken balor daytoy a mula iti kabaybayan ket naitantandudo babaen iti panagkammayyet ti BFAR Region 1, Provincial ENRO ken ti LGU-Cabugao iti panagtakem ni Mayor Edgardo “Ediboy” S. Cobangbang, Jr. babaen kadagiti sumaganad a benepisio a natun-oyan dagiti lumugar iti coastal barangays ken dagiti sumarsaruno a henerasion ti umili iti masanguanan:
1.Pagaponan ti ikan ken dadduma pay a marine life iti sirok ti nagrarabanga a ramutna.
2.Manglapped ti panagyuduyod ti pangpang ti baybay ken agpaay a “sea water breaker” tapno maalay-ayan ti pegges ti ayus- nga agpaigid.
3.Pagaponan ti billit ken dadduma pay a nabiag iti sangsangana ken food cycle dagiti nabiag iti danum a mangpabun-as pay kadagitoy a nabiag.
4.Mabalin a pagsungrod ti maruting wenno mapukan a nagango a linabag ti kayo ti mangrove para iti pagkasapulan ti balay.
5.Napintas ti buya a pataudenna iti takdang ta parupa iti umas-asul a baybay.
Nupay kasta, nakammayyet latta ti pannakamula ti mangrove kadagiti katangriban ti Brgy. Dardarat, Salomague, Sabang, Salapasap ken Pug-os babaen ti panangiwardas da MENRO Edgar S. Balangatan ken ni Municipal Fisheries Coordinator Milagros R. Paz, AT.
Dagitoy nga aksion ken inisiatiba ket gubuay iti nainsiriban a panangisagana ti nakaparsuaan a sarikedked dagiti lumugar ken dagiti sumarsaruno a henerasion ti umili ditoy Cabugao, Ilocos Sur. # (Web In-Action)
No comments:
Post a Comment