Cabugao, Ilocos Sur – Naangay ti pannakaselebrar ti Nutrition Month iti bulan ti Hulio 2016 babaen iti Tema: “First 1000 Days ni baby pahalagahan para sa malusog na kinabukasan” iti United Church of Christ in the Philippines Preschool iti UCCP Grounds idi Hulio 29, 2016 a no sadino a ditoy ket nagatendar dagiti ubbing nga agad-adal (Nursery ken Kindergarten), nagannak/agay-aywan, mannursuro, bisita, Konseho ti Simbaan (UCCP) ken dagiti lumugar ti Barangay Quezon, Cabugao, Ilocos Sur.
Immuna a naaramid ti Parada. Invocation ti inakem ni Pastor Eddie Suniga ken Pambansang Awit ken ni Ms. Laura V. Flores, FPTA President.
Pinagsapata ni Mayor Josh Edward S. Cobangbang dagiti kabarbaro nga Opisiales ti Federated PTCA Officers iti Cabugao UCCP Preschool.
Iti mensahena, impeksa ni Mayor Josh Edward ti ragsakna a makipagselebrar kadagiti ubbing ken nagannak ta iti naminsan a gundaway ket nagrugi met a nagbasa ditoy a pagadalan iti panagubingna.
Inallukoyna dagiti nagannak a maipamaysa koma a maasikaso ti pagtaraon dagiti ubbing nga agdakkel tapno maikkanda iti naan-anay a sustansia a makanda wenno masasao a balance diet ngem iti maipaunegda a junk foods.
Nag-Welcome Address ni Mr. Crisente S. Cachapero, Federated PTA President. Kimmablaaw ken pinagyamananna dagiti pammatigmaan ti Ama ti Ili kadakuada a nagannak ket dinakamatna ti pateg ti agtultuloy a panagtutunosda a mangtarabay kadagiti ubbing tapno tuman-ayda a pagwadan nga umili.
Naiballaet dagiti Presentation Number dagiti Nursery ken Kindergarten Pupils ken Parents a nangray-aw kadagiti nagbuya.
Nangipaay met ti Mensahena iti Closing Remarks ni Mrs. Fe Marie Flores Valdez, Officer-in-Charge ti Cabugao UCCP Preschool. Kimmablaaw ken nagyaman iti amin a nagatendar. Inikkanna met ti kaipapanan ti Tema ti selebrasion iti Nutrition Month 2016. Bininsana ti pateg ti nasayaat a panangmuli kadagiti ubbing a pundasion iti napintas a panagtan-ayda nga agad-adal.
Kalpasan ti Programa, naaramid ti salu-salo dagiti ubbing ken nagannak kadagiti naisagana a pagtaraon a napagsasanguan a pangparagsak iti panagtitiponda manen.
Nagpaay nga Emcee da Ms. Carissa Joy Cachapero ken ni Ms. Sheila Marie Salom. # (Web In-Action)
Immuna a naaramid ti Parada. Invocation ti inakem ni Pastor Eddie Suniga ken Pambansang Awit ken ni Ms. Laura V. Flores, FPTA President.
Pinagsapata ni Mayor Josh Edward S. Cobangbang dagiti kabarbaro nga Opisiales ti Federated PTCA Officers iti Cabugao UCCP Preschool.
Iti mensahena, impeksa ni Mayor Josh Edward ti ragsakna a makipagselebrar kadagiti ubbing ken nagannak ta iti naminsan a gundaway ket nagrugi met a nagbasa ditoy a pagadalan iti panagubingna.
Inallukoyna dagiti nagannak a maipamaysa koma a maasikaso ti pagtaraon dagiti ubbing nga agdakkel tapno maikkanda iti naan-anay a sustansia a makanda wenno masasao a balance diet ngem iti maipaunegda a junk foods.
Nag-Welcome Address ni Mr. Crisente S. Cachapero, Federated PTA President. Kimmablaaw ken pinagyamananna dagiti pammatigmaan ti Ama ti Ili kadakuada a nagannak ket dinakamatna ti pateg ti agtultuloy a panagtutunosda a mangtarabay kadagiti ubbing tapno tuman-ayda a pagwadan nga umili.
Naiballaet dagiti Presentation Number dagiti Nursery ken Kindergarten Pupils ken Parents a nangray-aw kadagiti nagbuya.
Nangipaay met ti Mensahena iti Closing Remarks ni Mrs. Fe Marie Flores Valdez, Officer-in-Charge ti Cabugao UCCP Preschool. Kimmablaaw ken nagyaman iti amin a nagatendar. Inikkanna met ti kaipapanan ti Tema ti selebrasion iti Nutrition Month 2016. Bininsana ti pateg ti nasayaat a panangmuli kadagiti ubbing a pundasion iti napintas a panagtan-ayda nga agad-adal.
Kalpasan ti Programa, naaramid ti salu-salo dagiti ubbing ken nagannak kadagiti naisagana a pagtaraon a napagsasanguan a pangparagsak iti panagtitiponda manen.
Nagpaay nga Emcee da Ms. Carissa Joy Cachapero ken ni Ms. Sheila Marie Salom. # (Web In-Action)
No comments:
Post a Comment