Cabugao, Ilocos Sur – Maangay ti Intramurals 2016 iti Cabugao National High School, Brgy. Turod, Cabugao, Ilocos Sur iti Agosto 25-26, 2016 a pagpartisiparan dagiti agad-adal ken mangisursuro nga idauluan ni Mrs. Felipa B. Asuncion, Principal II kasta metten dagiti naisangayan a sangaili a nagatendar iti umuna nga aldaw nga aktibidad nga idauluan ni Mayor Josh Edward S. Cobangbang.
Tinawen a mapasamak daytoy nga aktibidad ti pagadalan a pangipakatan dagiti agad-adal kadagiti kabaelanda iti pasalip maipapan iti kultura, talento agraman iti sports tapno naan-anay a mamulida iti kinadisiplina ken mapadur-as ti kabaelanda.
Naipabuya dagiti intermission numbers dagiti estudiante a nangparagsak iti programa iti Day 1.
Nangpadaeg iti programa ti panangpasapata ni Mayor Josh Edward dagiti MAPEH Club Officers nga idauluan ni John Rei E. Battad iti nadakamat a pagadalan.
Iti mensahe ni Mayor Josh Edward, kinablaawan ken inapresiarna ti natunos ken ti naisalumina a pannakaiparang dagiti mabuya a pangrambak daytoy a tinawen nga aktibidad ti pagadalan. Innayonna a napateg ti pannakamuli dagiti agtutubo nga agad-adal iti recreational sports kalaksidan iti akademiko a pakatubayan ti kabaelanda a makilangen ken pakasursuruan ti nasayaat ken natibker nga ugali a tagipatgen iti paggargarawanda a pagadalan ken komunidad.
Impeksa met ni Mrs. Felipa B. Asuncion, Principal II ti panagyamanna iti Ama ti Ili ken kadagiti adda iti babaenna iti agtultuloy a pannakidanggayda kadagiti maar-aramid a programa iti eskuelada. Innayonna pay a pagyamananda iti agtultuloy a suporta ti Gobierno Munisipal kadagiti mailungalong a pakaseknanda iti pannakapasayaat ti pagadalanda.
Iti Day 1, maangay ti Elimination iti eskediul ti Games kadagiti Grade Levels (Grade 7-11) idinto ta Championship Games iti maaramid iti maikadua nga aldaw ti nadakamat nga aktibidad.
Nangited met ti Mensahena ni Vice Mayor DJ Savellano ken nagatendar dagiti Konsehales ti Ili nga isuda SBM Danny Q. Gazmen; SBM Vicky S. Serna; SBM Dr. Jemaima S. Tan-Yee; ken ni SBM Josefina S. Vallejo. # (Web In-Action)
Tinawen a mapasamak daytoy nga aktibidad ti pagadalan a pangipakatan dagiti agad-adal kadagiti kabaelanda iti pasalip maipapan iti kultura, talento agraman iti sports tapno naan-anay a mamulida iti kinadisiplina ken mapadur-as ti kabaelanda.
Naipabuya dagiti intermission numbers dagiti estudiante a nangparagsak iti programa iti Day 1.
Nangpadaeg iti programa ti panangpasapata ni Mayor Josh Edward dagiti MAPEH Club Officers nga idauluan ni John Rei E. Battad iti nadakamat a pagadalan.
Iti mensahe ni Mayor Josh Edward, kinablaawan ken inapresiarna ti natunos ken ti naisalumina a pannakaiparang dagiti mabuya a pangrambak daytoy a tinawen nga aktibidad ti pagadalan. Innayonna a napateg ti pannakamuli dagiti agtutubo nga agad-adal iti recreational sports kalaksidan iti akademiko a pakatubayan ti kabaelanda a makilangen ken pakasursuruan ti nasayaat ken natibker nga ugali a tagipatgen iti paggargarawanda a pagadalan ken komunidad.
Impeksa met ni Mrs. Felipa B. Asuncion, Principal II ti panagyamanna iti Ama ti Ili ken kadagiti adda iti babaenna iti agtultuloy a pannakidanggayda kadagiti maar-aramid a programa iti eskuelada. Innayonna pay a pagyamananda iti agtultuloy a suporta ti Gobierno Munisipal kadagiti mailungalong a pakaseknanda iti pannakapasayaat ti pagadalanda.
Iti Day 1, maangay ti Elimination iti eskediul ti Games kadagiti Grade Levels (Grade 7-11) idinto ta Championship Games iti maaramid iti maikadua nga aldaw ti nadakamat nga aktibidad.
Nangited met ti Mensahena ni Vice Mayor DJ Savellano ken nagatendar dagiti Konsehales ti Ili nga isuda SBM Danny Q. Gazmen; SBM Vicky S. Serna; SBM Dr. Jemaima S. Tan-Yee; ken ni SBM Josefina S. Vallejo. # (Web In-Action)
No comments:
Post a Comment