Cabugao, Ilocos Sur – Naaramid ti pannakaited ti libre a ganagan para kadagiti mannalon iti Barangay Pila ken Brgy. Catucdaan, Cabugao, Ilocos Sur iti Agosto 11, 2016. Nagsaruno a naiyallawat dagiti ganagan iti Barangay Hall dagitoy a a nadakamat a barangay kadagiti mannalon.
Indauluan ni Mayor Josh Edward S. Cobangbang dagiti naggapu iti Munisipio a pakaibilangan dagiti Staff ti DA-LGU Cabugao nga imatonan ni Acting Municipal Agriculturist Robert S. Savella a nangimatang iti pannakaiyawat kadagiti mannalon iti nadakamat a barangay nga idauluan da Brgy. Captain Patricio Satumba iti Barangay Pila ken ni Brgy. Captain Zeny S. Baclig iti Barangay Catucdaan ken nagatendaran met dagiti Opisiales ti Barangay ken iti Asosasion ti mannalon kadagita a nadakamat a barangay.
Iti Mensahe ni Mayor Josh Edward, kimmablaaw ken nagyaman ket kunana nga agtultuloy daytoy a programa para iti pagsayaatan dagiti mannalon ti Cabugao. Kunana a kaikarian dagiti mannalon ti maikkan ti tulong gapu ta isuda ti kangrunaan a mangakem iti produksion ti pagtaraon ken manaynayonan pay iti sumarsaruno a panawen.
Innayon ti Alkalde Munisipal a taginayonen koma latta dagiti mannalon iti tunosda ken mangpatibker iti sektor-da a kakammayet ti LGU a mangidur-as ti agrikultura.
Kabayatanna, impeksa dagiti mannalon ti ragsakda a kaduada dagiti Opisiales ti Barangay ken Aosasion-da iti nadakamat a barangay iti naan-anay a panagyamanda iti Gobierno Munisipal nga idauluan ni Mayor Josh Edward ken iti agtultuloy a panangtarabay kadakuada dagiti empleado ti DA-LGU Cabugao.
Daytoy a gannuat ket paset iti prayoridad a programa iti pannakaidur-as ti Benneg ti Agrikultura iti LGU-Cabugao nga idauluan ni Mayor Josh Edward S. Cobangbang tapno matulongan dagiti sapasap a mannalon iti inda manen panagpatan-ay ti nakalidad a pagay iti Wet Season 2016 (Hunio-Nobiembre). # (Web In-Action)
 |
| BARANGAY CATUCDAAN |
Iti Mensahe ni Mayor Josh Edward, kimmablaaw ken nagyaman ket kunana nga agtultuloy daytoy a programa para iti pagsayaatan dagiti mannalon ti Cabugao. Kunana a kaikarian dagiti mannalon ti maikkan ti tulong gapu ta isuda ti kangrunaan a mangakem iti produksion ti pagtaraon ken manaynayonan pay iti sumarsaruno a panawen.
Innayon ti Alkalde Munisipal a taginayonen koma latta dagiti mannalon iti tunosda ken mangpatibker iti sektor-da a kakammayet ti LGU a mangidur-as ti agrikultura.
 |
| BARANGAY PILA |
Daytoy a gannuat ket paset iti prayoridad a programa iti pannakaidur-as ti Benneg ti Agrikultura iti LGU-Cabugao nga idauluan ni Mayor Josh Edward S. Cobangbang tapno matulongan dagiti sapasap a mannalon iti inda manen panagpatan-ay ti nakalidad a pagay iti Wet Season 2016 (Hunio-Nobiembre). # (Web In-Action)
****************************************
No comments:
Post a Comment