Cabugao, Ilocos Sur – Naulit manen ti pannakaala dagiti mangngalap iti pawikan (sea green turtle) manipud iti kabaybayan ti batog ti Barangay Namruangan, Cabugao, Ilocos Sur idi Agosto 24, 2016 babaen kadagiti mangngalap iti Barangay Namruangan nga idauluan ni Brgy. Captain Robertson R. Gorospe.
Impadamag ni Mrs. Milagros R. Paz, AT-DA LGU ken Licensed Fish Examiner a nakalapda ti pawikan iti agarup 2:00 pm ket imbulosda met laeng iti 3:30 pm iti kadanuman iti dayta nga aldaw iti imatang dagiti mangngalap iti igid ti baybay ti Barangay Namruangan.
Innayon ni Mrs. Paz nga agatiddog ti pawikan iti 41 centimeters idinto ta agakaba iti 35 centimeters. Kanaig daytoy, inapresiar ni Mrs. Paz dagiti mangngalap ken lumugar iti Barangay Namruangan ta nasanaydan a mangipakaammo iti autoridad no adda endangered species a makalapan wenno tumakdang ditoy a lugar.
Daytoy nga inisiatiba dagiti agnaed iti daytoy a Coastal Barangay ket mayataday iti agtultuloy a pagkammayyetan a programa ti BFAR ken ti LGU-Cabugao nga idauluan ni Mayor Josh Edward S. Cobangbang ken ipakat ti MFARMC ken ti DA-LGU tapno matagiben dagiti rekursos naturales iti kabaybayan ken maprotektaran dagiti endangered species a pagrebbengan a saluadan iti kaaduan. # (Web In-Action)
Impadamag ni Mrs. Milagros R. Paz, AT-DA LGU ken Licensed Fish Examiner a nakalapda ti pawikan iti agarup 2:00 pm ket imbulosda met laeng iti 3:30 pm iti kadanuman iti dayta nga aldaw iti imatang dagiti mangngalap iti igid ti baybay ti Barangay Namruangan.
Innayon ni Mrs. Paz nga agatiddog ti pawikan iti 41 centimeters idinto ta agakaba iti 35 centimeters. Kanaig daytoy, inapresiar ni Mrs. Paz dagiti mangngalap ken lumugar iti Barangay Namruangan ta nasanaydan a mangipakaammo iti autoridad no adda endangered species a makalapan wenno tumakdang ditoy a lugar.
Daytoy nga inisiatiba dagiti agnaed iti daytoy a Coastal Barangay ket mayataday iti agtultuloy a pagkammayyetan a programa ti BFAR ken ti LGU-Cabugao nga idauluan ni Mayor Josh Edward S. Cobangbang ken ipakat ti MFARMC ken ti DA-LGU tapno matagiben dagiti rekursos naturales iti kabaybayan ken maprotektaran dagiti endangered species a pagrebbengan a saluadan iti kaaduan. # (Web In-Action)
No comments:
Post a Comment