Cabugao, Ilocos Sur – Maang-angay manen ti Math Class iti Cabugao DepED District iti intero a Munisipalidad ti Cabugao iti kada aldaw ti Sabado iti bulan ti Agosto 2016. Dagiti dua a pageskuelaan ket iti Cabugao South ken North Central School iti pakaisentruan ti Math Class kadagiti pageskuelaan iti ili a Cabugao, Ilocos Sur.
Iti pannakiuman ti Web In-Action idi Agosto 20, 2016, imbatad dagiti kaaduan a nagannak/guardians kadagiti napili nga ubbing a naanus a nagbantay iti ruar ti klase a maragragsakanda ta maipamaysa a masanay dagiti annakda iti Subject a Math.
Kadagiti met ubbing a nairaman kadaytoy a panagsanay ket kayatda met a takuatan ti kabaelanda ken maibilang a parte ti pannakadisiplinada daytoy nga aktibidad nga paiwayat ti DepED.
Innayon dagiti mangisursuro a maobserbaran a kaaduan kadagiti nagenrol nga agbasbasa ket pagduyosanda ti Matematika ken isuda ti kaaduan a maikonkontes iti sabali pay nga asignatura iti benneg ti Distrito ken Division ti DepED. # (Web In-Action)
No comments:
Post a Comment