Tuesday, September 4, 2012

AGAS KEN PALAGIP TI SAGRAPEN TI UMILI ITI RHU

Cabugao, Ilocos Sur – Agtultuloy nga umadu ti agpaagas iti Rural Health Unit gapu ti madagdagus a panakataming, madadaan nga agas a maited ken maited a pammalagip maipapan iti panangmantener   dagiti pasiente ti salun-atda ket umad-adu  ti umay a pasiente  nangruna iti aldaw ti Lunes.

Iti panakiuman ti Web In-Action kadagiti RHU Personnel idi Setiembre 3, 2012, imbatadda a kaaduan a rikriknaen dagiti umay agpaagas ket panateng, uyek ken gurigor nangruna kadagiti ubbing. Kaaduan pay nga ubbing ti nabakunaan ken agkabannuag a nagpaparut ti ngipen iti Dentista. 

Ti agtultuloy a    pannakatagiben ti salun-at dagiti umili ket prayoridad a programa ti  Gobierno Munisipal nga idauluan ni Mayor Edgardo “Ediboy” S. Cobangbang, Jr. # (Web In-Action)

No comments:

Post a Comment