Thursday, September 27, 2012

NAYON A RAMIT TI CABUGAO-RHU LYING-IN CLINIC, NAISANGPET

Cabugao, Ilocos Sur – Naisangpet dagiti dadduma a ramit ken apparatus ti Rural Health Unit-Lying In Clinic  ti ili a  Cabugao idi Setiembre 26, 2012 ket naidalimanekda iti baro a pasdek a pagakaran ti Opisina ti RHU Cabugao.

Iti pannakaisimpa dagiti nasao a ramit, inimatangan da Vice Mayor Danny Q. Gazmen, MPDC Florante Jara, SB Member Dr. Jemaima Tan-Yee, Vice Chairman, Committee on Health ken SB Member Vicky S. Serna, Member, Committee on Health, Mrs. Janet Sison, RN, RHU Personnel  ken pannakabagi ti nangisangpet kadagitoy a medical supplies. 

Sakbayna, pinasimpa  ni Mr. Edgar S. Balangatan, agak-akem a pangulo ti Clean and Green Program ti Munisipio  iti uneg ken aglawlaw ti baro a pasdek ti RODOLFO S.  SONIDO LYING-IN CLINIC   a maisangrat pay a pagpaanakan ken   Balay ti Salun-at ti Ili ken pagyakaran dagiti RHU Personnel kadagiti alikamenda. # (Web In-Action)

No comments:

Post a Comment