Wednesday, September 19, 2012

EVALUATION TI GULAYAN SA PAARALAN, NAISALIP TI DARDARAT ES

Cabugao, Ilocos Sur – Naaramid ti Evaluation ti “Gulayan Sa Paaralan Contest”  kadagiti naisalip a  DepEd District ti  DepEd Ilocos  Sur idi Setiembre 17, 2012.

Ti Dardarat Elementary School nga idauluan da Mr. Donato Sajor, Head Teacher III ken Ms. Remedios G. Sevilleja, Teacher In-Charge ti nangabak iti Gulayan Sa Paaralan iti DepEd Cabugao District ket daytoy ti naisalip para iti Division Level ita a Tawen 2012.


Imbatad ni Ms. Sevilleja a tinawen nga isuda ti mangab-abak ti pakontes iti District Level. Malaksid ti panagisuroda, maisamirada ti agidaulo ti  aggarden ken isungsongda dagiti ubbing nga agmula met ti nateng iti arubayanda. Iti kasta, manmano ti agdidinnawat ken agnateng ti mulada iti eskuela ta adda amin mulmulada a pagnatngan-da. Innayon pay ti TIC a nagaget dagiti bumarangay ti Brgy. Dardarat ta malaksid a mangngalap ti kaaduan a lumugar ket adu latta met ti agmula  ti pagay, nateng ken cash crops a pangnayonda ti masapulanda.


Indauluan ni Public Schools District  Supervisor Helen V. Siruno a nangsangaili kadagiti tallo nga Evaluators ti DepEd Division Level nga idauluan ni Dr. Samuel Lazo, Ed. D. Mangnamnamada ti Dardarat ES  a makagun-odda  manen ti puesto ti kanatenganda iti pakontes. Dinakamatda pay ti napintas a panaglangen dagiti mangisursuro, nagannak ken lumugar ti barangay nga idauluan ni Brgy. Captain Danny Garcia pakaseknan kadagiti aktibidades-da ken proyektoda  iti pagadalan.

Kadua da Mr. Sajor ken Ms. Sevilleja  a mangiwarwardas ti Gulayan Sa Paaralan ket isuda: Vicenta U.  Ripa, Elizabeth G. Solis, Irene R. Garcia ken Donalyn A. Puzon. # (Web In-Action)

No comments:

Post a Comment