Saturday, September 15, 2012

DAYAW TI ESKUELA, DAYAW TI KOMUNIDAD

Cabugao, Ilocos Sur – Naangay ti General Assembly Meeting dagiti mangisursuro, nagannak ken bumarangay  iti Salomague Elementary School idi Setiembre 14, 2012. Kalpasan ti Opening Prayer ni Mr. Ronald T. Castaneda, maestro ti Salomague ES  ket naisaruno ti panglukat a sarita ni Mr. Reymundo R. Lagua, PTA President. Nagreport ni Mrs. Ligaya S. de Pedro, Canteen Manager ken iti PTA Funds ni Mrs. Andrea C. Antonio, PTA Treasurer.


Kimmablaaw ken dinayaw ni Brgy. Captain Eliseo Serrano ti agtultuloy a kinatunos ken timpuyog  dagiti mangisursuro, nagannak ken ti bumarangay a mangpaprogreso ti eskuela ti Brgy. Salomague.

Imbinsabinsa ni Mr. Ronel M. Ubaldo, Head Teacher III dagiti nagapuananda iti pageskuelaan kas iti sumaganad: Repair of H.E. and Perimeter fence, repair of school office, rehabilitation of the Bagong Lipunan Building, Installation of Steel Window and Grills, Reorganization of School Marching Band, Relocation of the  Flagpole, Provision of Office Computer ken Pupils Achievement (Academics, Sports, Scouting,  and Presscon).


Nairaman a natratar ti implementasion ti K to 12 Program, DepEd Policies and School Rules and Regulations, Grading System, Authorized Contributions, 4 P’s Beneficiaries kasta met dagiti Special Projects ken Proposed Projects kas iti water supply and facilities, Construction of Two-room school building, Repair of the Perimeter Fence, Repair of Roofing of the Marcos Type  Building, Repair of  School Stage, School Pavement, Covered Court, Vegetable Garden.


Imbatad ni Mr. Ubaldo a babaen ti inisiatibana ket   nagboluntario  a nag-YCAP ti 108 a benepisiario ti 4 P’s iti Barangay Salomague. Impasagepsepna pay iti kaaduan iti agtultuloy a pannakitinnulong ti Gobierno Munisipal nga idauluan ni Mayor Edgardo “Ediboy” S. Cobangbang, Jr. kadagiti pakaseknan ken pagkasapulan ti eskuela.


Binagi ni Head Teacher Ubaldo ti nangserra iti meeting ket pinagyamananna ti amin a nagatendar ken ti naballigi a pannakatratar ti amin a napagsasaritaan.

Nagpaay nga Emcee ni Ms. Imelda A. Quinsaat.  # (Web In-Action)

No comments:

Post a Comment