Tuesday, September 11, 2012

NAARAMID TI SPECIAL MEETING TI FEDERATED FARMERS

Cabugao, Ilocos Sur – Naangay ti Special Meeting ti Cabugao Federated Farmers Association iti Setiembre 11, 2012 iti Municipal Conference Hall, Cabugao, Ilocos Sur.


Nag-Preside ni Mr. Elmer G. Bromeo, Presidente, ket dagiti sumaganad ti natratar ken napagnanamingan:
  • Napagkaykaysaan a maangay ti Lakbay Aral ti Pederasion inton Setiembre 28-29, 2012 idiay Philrice ken CLSU, City of Munoz, Nueva Ecija. 
  • Maigannuat ti pannakairehistro ti Pederasion iti Securities and Exchange Commission (SEC) tapno adda kalinteganna a maki-transact iti dadduma nga Ahensia a makatulong kadagiti mannalon.
  • Maaramid ti Organic Farming Seminar inton Setiembre 25-26, 2012 iti Municipal Conference Hall. Maikkan ti 1 kilo a libre nga earthworm (alinta)   ti tunggal asosasion a pangrugiananda.
  • Napagnanamingan a maangay ti Bingo iti panagselebrar ti Christmas Program 2012. Itoy a kasapana, napagkaykaysaanda  a matulagen  daytoy nga aktibidad tapno naan-anay a makapagsagana dagiti asosasion. 50-50 % ti bingay ti asosasion ken Pederasion no matun-oyan ti P3,000 a quota ti tunggal asosasion. 75% ti asosasion idinto ta 25% ti Pederasion no nalablabes ngem ti naituding a quota ti mapaglakuan ti bingo card.
  • P800 a manayonan ti  P200 ket bale P1,000 ti kontribusion ti tunggal asosasion iti Lakbay Aral.

Impeksa dagiti opisiales ti Cabugao Federated Farmers iti panagyamanda iti Gobierno Munisipal nga idauluan ni Mayor Edgardo “Ediboy” S. Cobangbang, Jr. iti pannakaited kadakuada ti tulong babaen iti serbisio ti   Lakbay Aral Bus a kukua ti Munisipio  tapno makapanda met agsakdo iti baro nga adal ken padas iti sabali a lugar.

Nakitaripnong  dagiti pannakabagi ti DA-LGU Cabugao  nga idauluan ni Municipal Agriculturist Zenaida S. Andrada iti nasao a miting. # (Web In-Action)


No comments:

Post a Comment