Cabugao, Ilocos Sur – Inawat ti DepEd Cabugao District dagiti ramit-pangsports babaen ken ni DepEd District Sports Coordinator Ronel Ubaldo manipud iti Opisina ni Mayor Edgardo “Ediboy” S. Cobangbang, Jr. idi Setiembre 24, 2012.
Dagitoy a ramit ket nagun-od babaen ti Special Education Fund (SEF) a pakikamkammayetan ti DepEd iti LGU, segun ken ni Mr. Ubaldo.
Kalpasan a maipaima ken ni Deped District Property Custodian Edison Solatre, naiwaras ita a Setiembre 25, 2012 kadagiti Zone Presidents dagiti nadakamat a supplies nga isuda: Miss Mildred Naval, Zone 1 President; Mr. Rodel Suniega, Zone 2 President; Mr. Gilbert Asuncion, Zone 3 President; ken Mr. Demy Peneyra, Zone 4 President iti Conference Hall, Cabugao South Central School.
Buklen dagiti sports paraphernalia dagiti sumaganad: 4 pieces, Basketball ball (Molten); 4 Pieces Sepak Ball # 301, 4 Pieces Volleyball Ball; 4 Pieces Volleyball Net; 4 Pieces Nitaku Ball; 4 Pieces Badminton Net; 2 Pieces Starting Pistol; ken 4 Tube Shuttle Cock.
Innayon ni Mr. Ubaldo a paset ti panangparegta kadagiti ubbing ti pannakaited ti baro nga sports materials para iti maaramid a Zone Meet ita a bulan ken kadagiti sumaganad nga sports event.
Pinagyamanan met dagiti immawat nga School Heads ti agtultuloy a suporta ti LGU-Cabugao kadagiti sports activities a maisaysayangkat iti pageskuelaan kas nayon a panangmuli kadagiti ubbing iti disiplina ken pannakaidur-as ti panagkakadua ken panaggagayyem. # (Web In-Action)
No comments:
Post a Comment