Cabugao, Ilocos Sur – Naangay ti Special Christmas Program dagiti Special Kids (adda an-annayenna) a naangay iti STACenter, GSCS Compound, Brgy. Bonifacio, Cabugao, ILocos Sur idi malem ti Disiembre 17, 2012.
Naluktan ti programa
babaen ti Prayer ni Ms. Mercy Sol,
Therapist ti STAC-Cabugao. Nangiburay ti Mensahe ti Paskua ni SB Member Dr.
Carlito S. Pano, Committee Chair on Social Services ti Sangguniang Bayan. Bininsana ti pateg ti
panangkibin ken panangsuporta ti
LGU iti STAC-Cabugao iti panangidaulo ni Mayor Edgardo “Ediboy” S.
Cobangbang, Jr. tapno matulonganda a
tuman-ay dagitoy nga ubbing a mangrimbaw iti “disabilities”-da. Daytoy a selebrasion ket
napateg a maaramid tapno maibilangda latta met a makipaset iti nasaknap a
pannakaselebrar ti Paskua. Kimmablaaw pay ti Konsehal agraman ti Pamiliana iti
Naragsak a Paskua ken Nagasat a Baro a Tawen ti sapasap nga umili.
Nangpangayed ti
selebrasion ti panagited ni Sir Joseph Simpo the Magician ti sagut kadagiti
ubbing sa impabuyana dagiti laingna ti Magic. Daytoy a naisangayan a pabuya ket
impapaskua ni SB Member Carlos V. Sison kadagiti ubbing ken iti amin a nagbuya.
Pinagyamanan met ni SB
Member Carwin Sison ti pannakaawisda a
makipaset kadaytoy a selebrasion dagiti ubbing iti Paskua. Imbatad ti Konsehal nga inkagumaananna
ti nangipaay ti pangparagsak kadagitoy nga ubbing tapno ma-enjoyda met ti
Paskua.
Impaay met ni Hon. DJ
Savellano ti Mensahena ti Paskua. Panagiinnayat ken panagkaykaysa iti sapasap
ti bugas ti mensahena ita a Paskua.
Kangrunaan a
nangparagsak ti selebrasion ket ti panagparang ni Jollibee (Mascot) kadagiti
agbuybuya. Kinagantilna dagiti ubbing ken nakipagretrato kadakuada. Uray met
dagiti nataengan ket na-enganyoda met iti pakabuklan ni Jollibee a simmarungkar
ditoy Cabugao ita a Paskua.
Naangay pay ti Parlor
Games a nakagun-odan dagiti nangabak iti agkakapateg a premio.
Nagpaay nga Emcee da
Ms. Jesusa Villaruz ken Ms. Theresa Garcia. # (Web In-Action)
No comments:
Post a Comment