Monday, December 10, 2012

OUTDOOR PLAYGROUND TI CCP, NAKOMPLETO TI RUBBERMAT-NA

Cabugao, Ilocos Sur – Naisangpet dagiti rubbermat a mausar iti flooring  ti Outdoor Playground  iti Cabugao Central Park (CCP), Barangay Bonifacio, Cabugao, Iocos Sur idi Disiembre 8, 2012.

Segun ken ni Municipal Engineer Cresencio C. Formoso, umabot ti 80 pedaso ti rubbermat a nainayon ken nangkompleto ti disso ti pagaayaman dagiti ubbing iti CCP. Nairugi a naipuesto  iti kamalmanna dagiti rubbermat  babaen ti panangtarabay ni Engr. Formoso ken Mr. Donnel  Peralta kadagiti nagtrabaho.


Ti Outdoor Playground ket agtultuloy a manteneren ti Gobierno Munisipal nga idauluan ni Mayor Edgardo “Ediboy” S. Cobangbang, Jr. a  naisangrat a pagay-ayaman dagiti ubbing a babassit a mangkomplementar ti nasalun-at ken naballigi a panagdakkelda. # (Web In-Action) 


No comments:

Post a Comment